30 сорла

Википедий — эрыкан энциклопедий гыч материал
Сорла
Шч Кш Вр Из Кг Шм Рш
  1 2 3 4 5 6
7 8 9 10 11 12 13
14 15 16 17 18 19 20
21 22 23 24 25 26 27
28 29 30 31      
             
2017 ий

30 cорла (30 август) — григориан кечышот почеш идалыкын 242-шо (кужемдыме ийлаште — 243-шо) кечыже. Идалык пытыме марте 123 кече кодеш.

Пайрем да памятный дате-влак[тӧрлаташ | вики-текстым тӧрлаташ]

Лӱмгече[тӧрлаташ | вики-текстым тӧрлаташ]

  • Танле (православный) лӱм-влак: Алексий, Алипий, Димитрий, Евтихиан, Илья, Иулиания, Киприан, Корнут, Коронат, Левкий, Мирон, Павел, Патрокл, Пимен, Стратон, Филипп, Фирс, Юлиана.

Событий-влак[тӧрлаташ | вики-текстым тӧрлаташ]

Тугак ончо: Категорий:Сорла тылзын 30 кечысе событий-влак

  • 1700 ий — Россий ден Швеций коклаште Йӱдвел сар тӱҥалын, а 21 ий эртымек тиде кечынак ты сар пытыме нерген вашкелшыкыш кидым пыштыме.
  • 1703 ий — Петербург олан историйыштыже икымше гана вӱд ташлымаш – наводнений – лийын.
  • 1918 ий — Фанни Каплан Владимир Ильич Ленин ӱмбак лӱен да нелын сусыртен.

Шочыныт[тӧрлаташ | вики-текстым тӧрлаташ]

Тугак ончо: Категорий:Сорла тылзын 30 кечынже шочшо-влак

  • 1948 ий — Галина Николаевна Швецова, туныктыш, администраций да кугыжаныш пашаеҥ, Марий Эл Республикысе туныктышын сулло пашаеҥже. Шочынжо тудо Волжск олаште. Марий кугыжаныш педагогик институтым тунем лекмек, министр-влак погынысо архив пӧлкан изирак пашаеҥже лийын. Но паша корныжо икмыняр жап гыч педагогик интситутышко куснен, вара туныктыш институтыштат шуйнен. 2001-ше ий гыч Галина Николаевна Марий Эл туныктыш министр сомылым шуктен шога. Профессор. Педагогик туныктыш шанче академийын академикше.
  • 1960 ий — Вениамин Викентьевич Мамуткин, архитектор. Паша корныжо «Марийскгражданпроект» ушемыште тӱҥалын, умбакыже уста архитектор «Артель» ушемым почын да шкеак вуйлаташ шогалын. 4 ий Йошкар-Олан тӱҥ архитекторжо сомылым шуктен шоген. Йошкар-Оласе эмлыме верын хирургий корпус, Яков Эшпай лӱмеш тоштер проект-влакын авторжо. А Венгрийысе Залаэгерсег оласе этнографий тоштерыште «Марий илем» комплексым шыҥдарымылан кугыжаныш премий денат палемдалтын. Россий Федерацийысе архитектор-влак ушемын марий пӧлкажын вуйлатышыже.
  • 1961 ий — Северьян Александрович ден Юрий Александрович Морозовмыт, туныктыш пашаеҥ-влак. Куженер кундем Нурсолаште шочыныт. Северьян Александрович 1989-ше ий гычак Конганур кыдалаш школышто туныктышылан тыршаш тӱҥалын: 6 ий вуйлатышыжат лийын. Тыгак тудо кугыжаныш пашаштат шуаралтеш: кундемысо погынын депутатше улеш. Юрий Александровичат сай туныктышо семын кугу пагалымашым сулен: Куженер кыдалаш школ вуйлатышын алмаштышыжланат шогалын. Коктынат мыланна тале спорт организатор семын палыме улыт.
  • 1975 ий — Эльвира Аркадьевна Ендылетова, журналист да почеламутчо. Марий Тӱрек кундем Мари-Купто ялыште шочын. 1997-ше ий годсек тудо «Кугарня» газет редакцийыште пашам ышта. Газетым лудшо-влаклан Эльвира Терентьева лӱм дене палыме. Эльвира Аркадьевна поэзийым йӧратыше йолташыже-влакым почеламут сборник дене куандарен.

Коленыт[тӧрлаташ | вики-текстым тӧрлаташ]

Тугак ончо: Категорий:Сорла тылзын 30 кечынже колышо-влак

Калык пале[тӧрлаташ | вики-текстым тӧрлаташ]

  • Миронын кечыже. Тыгай калыкпалым эскереныт: эрдене тӱтыра чот шарлен гын, игече ояр лиеш. Тыгак тиде кечын тулык вате-влаклан полшаш тыршеныт.