15 сорла

Википедий — эрыкан энциклопедий гыч материал
сорла
Шч Кш Вр Из Кг Шм Рш
      1 2 3 4
5 6 7 8 9 10 11
12 13 14 15 16 17 18
19 20 21 22 23 24 25
26 27 28 29 30 31  
             
2024 ий

15 cорла (15 август) — григориан кечышот почеш идалыкын 227-ше (кужемдыме ийлаште — 228-ше) кечыже. Идалык пытыме марте 138 кече кодеш.

Пайрем да памятный дате-влак[тӧрлаташ | кодым тӧрлаташ]

Лӱмгече[тӧрлаташ | кодым тӧрлаташ]

Танле (православный) лӱм-влак:

  • Пӧръеҥ лӱм-влак:
    • Авив —Авив Иерусалимский
    • Бон — мученик Бон.
    • Василий — мученик Василий, Василий Блаженный, преподобный Василий Каменский (Спасо-Кубенский).
    • Гамалиил — Гамалиил (иудейский законоучитель) (обретение мощей).
    • Гонорат — мученик Гонорат.
    • Екзуперанций — мученик Екзуперанций.
    • Иоанн (Иван) — мученик Иоанн.
    • Калюмниоз — мученик Калюмниоз.
    • Кастел — мученик Кастел.
    • Кирилл (Кирил) — мученик Кирилл.
    • Мавр — мученик Мавр.
    • Немезий — священномученик Немезий.
    • Никодим — Никодим (тайный ученик Христа) (обретение мощей).
    • Олимп, Олимпан — мученик Олимпий.
    • Платон — священномученик Платон (Колегов).
    • Примитиво — мученик Примитиво.
    • Роман — Роман.
    • Симфоний — мученик Симфоний.
    • Стефан (Степан) — Стефан Первомученик (перенесение мощей), священномученик Стефан I (папа римский).
    • Тарасий (имя) — Тарасий.
    • Теодол — мученик Теодол.
    • Тертуллин — мученик Тертуллин.
    • Фавст (Фауст) — мученик Фавст.
    • Феодор (Фёдор) — мученик Феодор.
    • Фока (Фокей, Фокан, Фок) — мученик Фока.
  • Ӱдырамаш лӱм-влак:
    • Екзуперия — мученица Екзуперия.
    • Люцилла — мученица Люцилла.

Событий-влак[тӧрлаташ | кодым тӧрлаташ]

Тугак ончо: Категорий:Сорла тылзын 15 кечысе событий-влак

Марий тӱняште[тӧрлаташ | кодым тӧрлаташ]

  • 1936 ий — Звенигово чодыра озанлыкым ыштыме.
  • 1960 ий — Йошкар-Оласе телевидений студий пашам ышташ тӱҥалын.

Тӱня мучко[тӧрлаташ | кодым тӧрлаташ]

  • 1723 ий — руш император-влакын кеҥежымсе резиденцийыштым – Петергофым почыныт.
  • 1877 ий — изобретатель Томас Эдисон телефон дене мутланаш тӱҥалышлан «Алло» (Hello) шомакым темлен.
  • 1914 ий — Панам канал гоч икымше пуш ийын эртен.

Шочыныт[тӧрлаташ | кодым тӧрлаташ]

Тугак ончо: Категорий:Сорла тылзын 15 кечынже шочшо-влак

  • 1911 ий — Алексей Николаевич Громов (1987 ийыште колен), Совет Ушемын геройжо, Кугу Авамланде Сарыште кредалше.
  • 1940 ий — Борис Михайлович Новиков, тазалык аралтыш пашаеҥ, медицин шанче кандидат, Россий Федерацийын сулло эмлызыже. Озаҥ олаште шочын. Шочмо оласе мединститутым тунем лекмек, Йошкар-Оласе медучилищышке туныктышылан пашам ышташ толын. Вара эмлыме верыштат, Марий кугыжаныш университетыштат, институтыштат тыршен. 16 ий оласе эмлыме верын хирургий пӧлкажым вуйлатен.
  • 1947 ий — Римма Аркадьевна Мороз, вольык ончышо специалист. Советский район Кӧрдемтӱр ялыште шочын. 1969-ше ий гыч тудо шочмо районысо Киров лӱмеш колхозын шӧр-ужалымаш фермым вуйлатен. Совет Ушем кӱшыл погынынат депутатше лийын. Суапле пашажлан 3-шо да 2-шо степенян Паша чап орден дене палемдалтын.
  • 1962 ий — Любовь Вадимовна Смирнова журналист. Шкеже Карелий кундем гыч, но ынде ятыр ий Марий Элыште ила. 1999 ийыште тудо Килемар районысо «Восход» газет редакцийыште пашам ышташ тӱналын да ты пашаж дене кугу пагалымашым сулен.
  • 1940 ий — Владислав Шуматович Конышев, журналист. Тудын шочмо велже – Кужэҥер кундем, Кугу Нольдӱр ял. Журналист-влак ушемыште 1997-ше ий гыч шога. А шукерте огыл тудын «Сернурские самоцветы» книгаже тӱням ужын.
  • 1966 ий — Сергей Дмитриевич Петров, тӱвыра да мер пашаеҥ. Угарман кундемыште шочын. Ятыр ий шке шочмо велыште тӱвыра пӧрт вуйлатышылан тырша. 5 ий ончыч марий ушемым почын, а кызыт мер каҥашын чолга еҥже улеш.
  • 1976 ий — Пётр Николаевич Журавлёв, кугыжаныш пашаеҥ. Тудо Йошкар-Олаште шочын-кушкын. Паша корныжо туныктыш министерствысе самырык-влак паша шотышто пӧлка дене кылдалтын. Мер пашаштат тудо кугу пагалымашым сулен.

Коленыт[тӧрлаташ | кодым тӧрлаташ]

Тугак ончо: Категорий:Сорла тылзын 15 кечынже колышо-влак

Калык пале[тӧрлаташ | кодым тӧрлаташ]

  • Степанын кечыже. Кугу тӱткышым имне-влаклан ойыреныт: нуным памаш деке конденыт да вӱдым йӱктеныт, но ончыч вӱдын ший оксам кудалтеныт. Тиде окса тукым гыч тукымыш куснен: тудын дене нимогай сатумат налын огытыл.