Кугарня (газет)

Википедий — эрыкан энциклопедий гыч материал
Перейти к навигации Перейти к поиску
Оригинал лӱм

«Кугарня» газет

Тип

газет


Издатель

ГУКП Республики Марий Эл «Газета «Кугарня»

Тӱҥ редактор

Иманаев, Эдуард Аркадьевич

Штатный корреспондент-влак

13 еҥ

Негызлыме

1991 ий 5 Сӱрем

Йылме

марий йылме

Мыняр гана лектеш

арнялан ик гана

Тӱҥ офис

Йошкар-Ола, Амстердам наб., 1

Тираж

4800


«Кугарня» — Йошкар-Олаште марий йылме дене савыкталтше самырык-влаклан газет.

Газет арнялан 1 гана лектеш. Тираж — 4800 экземпляр.

Газет 1991 ий 5 июль гыч лектын шога.

Кузе шочын[тӧрлаташ | вики-текстым тӧрлаташ]

Колымшо курымын индешлымше ийлаште вашталтыш пагыт лийын: перестройко, гласность, демократий шӱлыш озаланен. Саде у саман калыклан варажым ятыр нелылыкым конден. Лач тиде пуламыр саман дене пайдаланен, самырык литератор-влакын «У вий» ушемышт 1930-шо ийлаште репрессий саман тӱҥалме дене петыралтше самырык-влакын газетыштым угыч лукташ тӱҥалаш ойым пидын.

Такшым эше 1985 ийыштак саде самырык ушемын активистше-влакын вуйыштышт тыгай газетым лукташ тӱҥалме нерген шонымаш шочын. Студент ден марий интеллигенцийын самырык да чолга еҥже-влак у газетым почаш кӱлмӧ шотышто кидпалым погаш калыкыш тутыш лектын коштыныт. Варажым Москошко, тыгак республикысе тӱрлӧ кӱшыл кабинетлаш, вуйым савен, ик гана веле огыл пурен-лектеденыт. Тудо жапыште саде суапле шонымашым илышыш шыҥдараш неле лийын. Пошкырт кундем Мишкан район Тӧҥгак ялышет лудшо-влак дене вашлиймаш. 1992 ий.

1991 ий. Тунам пӱтынь эл мучко вуйлатыше орган-влак Коммунист партий деч ойырлаш тӱҥалыныт. Марий республикыштат сӱрет тугаяк лийын: Верховный Совет ден Коммунист партий реском кундемыште лектын шогышо газет-влакым шке коклаштышт пайленыт. Тыге Верховный Совет рушла савыкталтше «Республика» ден марла лектын шогышо «Марий коммуным» шке шулдыр йымакыже налын. А РСФСР Компартий Марий рескомлан рушла лекше «Марийская правда» газет веле логалын. Тудлан тунам марла лекше изданият кӱлын. Тидлан кӧра «Кугарня» газетлан шочашыже йӧн лектын. Жапым шуйкалыде, Компартий Марий реском у газетым лукташ тӱҥалме нерген пунчалым луктын. Тӱҥ редакторлан Александр Абдуловым пеҥгыдемденыт. А 5 июльышто, кугарня кечын, «Кугарня» газетын икымше номерже калык деке миен шуын.

Тӱҥ редактор-влак[тӧрлаташ | вики-текстым тӧрлаташ]

Таче[тӧрлаташ | вики-текстым тӧрлаташ]

Тачысе кечылан «Кугарня» газет редакцийыште 13 еҥ пашам ышта. Коллектив самырык. «Кугарням» Марий Элыште веле огыл, тыгак Пошкырт, Киров, Одо, Татарстан, Урал кундемлаште изижат-кугужат уло кумылын лудын шогат.

Газет самырык-влакын йодмыштым шукташак тырша: лаштыклаштыже кугезе йӱлам арален кодымо шотышто ятыр материалым савыкта, кушкын толшо самырык тукымын илыш ончалтышыжым вияҥдаш полша да Шочмо элым, марий кундемым утыр йӧраташ таратен шога.

Кылвер[тӧрлаташ | вики-текстым тӧрлаташ]

Тугак ончо[тӧрлаташ | вики-текстым тӧрлаташ]