Википедий:Полыш

Википедий — эрыкан энциклопедий гыч материал
Перейти к навигации Перейти к поиску

Салам лийже, йолташ. Тый Марий Википедийыш — эрыкан энциклопедийыш пуренат. Тыште нимогай оза, нимогай вуйлатыше уке. Кеч-кӧ, кеч-мо нерген статьям возен шынден кертеш. Шке ялет нерген возынет? Кычал ончо, ала тыгай статьям иктаж-кӧ уже возен шынден. Уке гын — возо. Возалтын гын — ешарен возо, тӧрлате. Википедийысе пашам Пытартыш тӧрлатымаш-влак (шола вел колонкыш ончал) лаштыкыште эскераш лиеш. Кӧ-могай пашам ыштен — тушто чыла возалтеш.

Википедийын интерфейсыштыже палыдыме мут-влак вашлиялтын кертыт. Тидлан ит сыре, ме вет марий сайтым ыштена, сандене шуко у мутым шанчызе-влак деч шонен лукташ логале. Тыге рашемдена:

  • Тӱшка — Группа, википедийысе сообществын ваш-ваш кутырымо лаштыкше. Общий темлымаш-влакым возкалаш лиеш.
  • Пытартыш тӧрлатымаш-влак — Свежие правки. Тушто чыла возкалымаш, шӧрымаш-влак койыт.
  • Чокым лаштык — Случайная страница. Генератор вучыдымо статьям сайт гыч луктеш да тылат лудаш темла.
  • Модмо вер — Песочница. Тушто статьям возымет деч ончыч шке виетым терген налын кертат. Текстым возкале, гиперссылкым ыштыл, ит лӱд.
  • Надыр — Яра оксат уло гын, Википедийлан полшен кертат. Тиде проектлан нимогай кугыжаныш ок полшо, калыкыште погымо окса дене гына ила. Икте — шӱдӧ теҥгем пуа, весе — ик миллионым ойырен кертеш.
  • Кылвер — Ссылка.
  • Лӱмын ыштыме лаштык-влак — Специальные страницы.
  • Эртымгорно — История. Кӧ, кунам, кузе тиде статьям возен шынден, тӧрлатедылын, чыла ончыкталтеш.
  • Каҥашымаш — Обсуждение. Ыштен шындыме лаштык нерген мутланымаш (ӱчашымаш).
  • Келыштарымаш — Настройки.
  • Эскерымаш лӱмер — Список наблюдения. Тиде лӱмерыш ешарыме статья-влакым иктаж-кӧ вашталта гын, тылат шижтарыме увертарымаш толеш.
  • Тулен налаш — Скачать

Йодышет уло гын, тыште пашам ыштыше-влак деч йодын кертат. Моло йодышетым нине кылвер-влак почеш рашемден кертат: