4 сорла

4 cорла (4 август) — григориан кечышот почеш идалыкын 216-шо (кужемдыме ийлаште — 217-ше) кечыже. Идалык пытыме марте 149 кече кодеш.

Пайрем да памятный дате-влак

• Кук отро-влак — Конституций кече.
• УАШ — Сер орол кече (береговая охрана).
• Украина — Национальный полицийын кечыже.

Лӱмгече

• Католик лӱм-влак:
  • Доминик — Шнуй Доминик.
  • Иоанн — Жан Мари Вианней.
  • Протас.
• Танле (православный) лӱм-влак (у стиль почеш):
  • Пӧръеҥ лӱм-влак:
    • Агапий (Агапей, Агап) — мученик Агапий.
    • Алексий (Алексей) — священномученик Алексий (Ильинский).
    • Зина — мученик Зина.
    • Киприан (Куприян) — Киприан Суздальский.
    • Корнилий (Корнелий, Корнила, Корнил, Корний, Корней) — преподобный Корнилий Переяславский.
    • Михаил — священномученик Михаил Накаряков.
    • Фока (Фокей, Фок, Фокан) — священномученик Фока Синопский.
  • Ӱдырамаш лӱм-влак:
    • Мария (Марья) — равноапостольная Мария Магдалина.
    • Маркелла — мученица Маркелла Хиосская.

Событий-влак

Тугак ончо: Категорий:Сорла тылзын 4 кечысе событий-влак

• 1930 ий — В. М. Васильев лӱмеш МарНИИ-м почмо.
• 1662 ий — Моско олаште историйыште келге кышам кодышо Медный бунт лийын. Тудо окса реформа дене кылдалтын: вӱргене оксам лукмо ваштареш посадский еҥ-влак бунтым тарватеныт.
• 1668 ий — Франций гыч Пьер Периньон шампанскийым ыштен луктын.
• 1777 ий — Лондонышто икымше цирк почылтын.

Шочыныт

Тугак ончо: Категорий:Сорла тылзын 4 кечынже шочшо-влак

• 1918 ий — Никанор Андреевич Леухин, Совет Ушем Герой. Шкеже тудо У Торъял кундемыште шочын-кушкын. Кугу Ачамланде сарыште мондаш лийдыме подвигым ыштымыжлан Ленин да Йошкар Шӱдыр орден-влак дене палемдалтын
• 1926 ий — Геннадий Евграфович Пахмутов, Россий Федерацийын сулло рационализаторжо. Йошкар-Оласе заводышто тудо пел курым утла пашам ыштен: тыглай слесарь гыч мастер марте шуын. Суапле пашажлан «Знак Почёта» да Йошкар Знамя Паша орден-влак дене палемдалтын.
• 1939 ий — Яков Абрамович Фурман, шанче пашаеҥ, Марий Эл Республикысе туныктышын сулло пашаеҥже, профессор. Украиныште шочын. Йошкар-Олашке 1967-ше ийыште толын да Марий кугыжаныш техник университетыште туныктышылан пашам ышташ тӱҥалын, а вара кафедре вуйлатышыланат тыршен. 150 наре шанче пашан авторжо.
• 1942 ий — Римма Андреевна Иванова, уста пашазе. Оршанка кундемыште шочын. 30 ий тудо полупроводник прибор заводышто кыртмен ыштен. «Эн сай пашаеҥ» лӱм дене ик гана веле огыл палемдалтын. Но тидын деч посна Римма Андреевна 1970-1974-ше ийлаште Совет Ушемын кӱшыл погынын депутатше лийын.
• 1943 ий — Анатолий Александрович Тихомиров, семлызе. Шкеже Козьмодемьянскыште шочын-кушкын, но уло паша корныжо Москваште эртен. Гнесинмыт лӱмеш сем училищыште туныктышылан пашам ыштен. Анатолий Александровичын суапле пашажым моткоч кӱкшын акленыт – Россий Федерацийысе тӱвыран сулло пашаеҥже.
• 1959 ий — Сергей Владимирович Речкин, туныктышо, семлызе (баянист) да концертмейстер. Тудын паша корныжо йоча сымыктыш школ дене кылдалтын. Уста баянист семын Сергей Речкин кугу пагалымашым сулен. Россий Федерацийысе тувыран сулло пашаенже.

Коленыт

Тугак ончо: Категорий:Сорла тылзын 4 кечынже колышо-влак

• 2010 — Шулдыр Васлий, марий серызе, почеламутчо, драматург, журналист, Россий Cерызе-влак ушемын йыжъеҥже (1993), Марий Эл Республикысе тӱвыран сулло пашаеҥже (1996).

Калык пале

• Мариян пайремже. Ты кечын кӱдырчан йӱр йӱреш гын – кинде лектыш сай лиеш, манын шоненыт. Но пасуш лекташ тыршен огытыл, волгенче пера – маныныт.

	4 сорла Викиклатыште?