1 сорла

Википедий — эрыкан энциклопедий гыч материал
Сорла
Шч Кш Вр Из Кг Шм Рш
  1 2 3 4 5 6
7 8 9 10 11 12 13
14 15 16 17 18 19 20
21 22 23 24 25 26 27
28 29 30 31      
             
2017 ий

1 cорла (1 август) — григориан кечышот почеш идалыкын 213-шо (кужемдыме ийлаште — 214-ше) кечыже. Идалык пытыме марте 152 кече кодеш.

Пайрем да памятный дате-влак[тӧрлаташ | вики-текстым тӧрлаташ]

Лӱмгече[тӧрлаташ | вики-текстым тӧрлаташ]

  • Католик лӱм-влак: Альфонс, Мария, Пётр, Юстина.
  • Танле (православный) лӱм-влак (у стиль почеш):
    • Пӧръеҥ лӱм-влак:
      • Варлам (Варлаам, Варламий) — проповедник Кавказский Варлаам.
      • Григорий — проповедник Григорий Новый.
      • Дий — преподобный Дий Константинопольский.
      • Дмитрий — святитель Димитрий Ростовский.
      • Митрофан — святитель Митрофан Воронежский.
      • Паисий — преподобный Паисий Печерский.
      • Роман — мученик, князь Рязанский Роман Олегович.
      • Серафим — преподобный Серафим Саровский.
      • Стефан (Степан) — блаженный Стефан Лазаревич, король Сербии.
      • Тихон — святитель Тихон Задонский.
    • Ӱдырамаш лӱм-влак:
      • Евгения — Святая Милица (в крещении Евфросиния, в иночестве Евгения, в схиме Евфросиния), княгиня Сербская.
      • Евфросиния — кӱшнырак ончо.
      • Милица — кӱшнырак ончо.
      • Макрина — преподобная Макрина Каппадокийская

Событий-влак[тӧрлаташ | вики-текстым тӧрлаташ]

Тугак ончо: Категорий:Сорла тылзын 1 кечысе событий-влак

Марий тӱняште[тӧрлаташ | вики-текстым тӧрлаташ]

  • 1988 ий — Ежово селаште «Солнышко» йочасадым почыныт.

Тӱня мучко[тӧрлаташ | вики-текстым тӧрлаташ]

  • 1774 ий — молекуляр кислородым луктыныт.
  • 1903 ий — Серафим Саровскийым Шнуй-влак радамыш пуртымо.
  • 1964 ий — «Маяк» радиостанцийын икымше эфирже лийын.

Шочыныт[тӧрлаташ | вики-текстым тӧрлаташ]

Тугак ончо: Категорий:Сорла тылзын 1 кечынже шочшо-влак

  • 1939 ий — Геннадий Апаевич Апаев, туныктыш пашаеҥ, Марий Эл Республикын сулло шанчыеҥже. Пошкырт Эл Мишкан кундемыште шочын. Йошкар-Олашке 1969-ше ийыште толын да витамин заводышто конструкторлан пашам ышташ тӱҥалын. Но умбакыже шинчымашым пойдараш шонен пыштен да Москосо экономик институтыш тунемаш пурен. Вара Иваново оласе институтышто туныктышо лийын, а 1994-ше ий гыч Марий кугыжаныш техник университетыште пашам ышташ тӱҥалын. 100 утла шанче пашан, пособийын да монографийын авторжо.
  • 1942 ий — Валерий Степанович Патрушев, шанче-археолог, Марий Эл Республикын сулло шанчыеҥже. Шернур кундем Шӱкшер ялыште шочын. Моло изаже Геннадий ден Анатолий семынак Валерий Степанович кӱшыл шинчымашым Марий кугыжаныш педагогик институтышто налын да шанче корнышко шогалын. Геннадий ден Анатолий йылмызе да историк лийыныт гын, Валерий археологий деке шӱмаҥын. Тӱҥ шотышто шанчыеҥ Финно-угор калыкын тӱвыражым да историйжым шымлен. 200 наре шанче пашан авторжо. Историй шанче доктор.
  • 1951 ий — Зинаида Романовна Зорина, муниципал пашаеҥ. Шернур кундемыште шочын. Паша корныжо школыштат, кундемысе комитетыштат эртен. Но 1981-ше ий гыч тудо райисполкомышто секретарьлан шогалын, а 4 ий гыч вуйлатышын алмаштышыже лийын, 1992-шо ий гыч Шернур кундемысо администраций вуйлатышын алмаштышыжлан шогалын да 14 ий ты сомылымак шуктен шоген. А кызыт ветеран-влакын ушемыштым вуйлата.
  • 1954 ий — Хатиф Гараевич Вафин, ял озанлык специалист, Марий Эл Республикын сулло агрономжо, Россий Федераций ял озанлыкын сулло пашаеҥже. Шкеже Поранча кундем Куянково ял гыч. 14 ий Калинин лӱмеш колхозышто тӱҥ агрономлан тыршыме деч вара, «Марийхлебопродукт» ушемын вуйлатышыжлан шогалын, 2005-ше ий гыч «Хлебснаб» ушемын вуйлатышыже лийын.
  • 1968 ий — Илья Леонтьевич Акчурин, кугыжаныш пашаеҥ. Чуваший кундемын эргыже чын паша вержым марий кундемыште муын: 2015 ийыште тудо Марий Эл Республикын тӱҥ федерал инспекторжо лийын.
  • 1962 ий — Августа Владимировна Романова, артист да журналист. Шкеже Тошто Торъял села гыч. Театрыштат уста артистка тӱрлӧ рольым чоҥен, ончаш толшо калыклан шке оҥайлыкше дене шарнымашеш кодын. Тыгак Августа Владимировна эстрада концертлам вӱдымыж дене чапланен, ий еда эртаралтше «Воштылаш, товатат, сулык огыл» мыскара конкурсымат тудак вӱда. Ятыр ий ынде Марий радиошто пашам ышта.

Коленыт[тӧрлаташ | вики-текстым тӧрлаташ]

Тугак ончо: Категорий:Сорла тылзын 1 кечынже колышо-влак

Калык пале[тӧрлаташ | вики-текстым тӧрлаташ]

  • Макринан кечыже. Ожно лӱмат тыгай лийын. Южо шонымаш почеш, тиде кечын эре йӱр йӱрын, сандене лӱмжымат "мокрый" манын пуэныт. Макринан кечын игече могай – шыжат тугай лиеш – маныныт.
  • Йӱран игече годым марий калык Йӱр Кува ден Кугызам, Пыл Кува ден Кугызам шарналтен. Кужу жап кукшо игече шога гын, ял калык памаш дек миен, ший оксам, шинчалым але пырчым кудалтеныт. Кужу жап йӱр йӱреш гын, адакат Кугу Юмылан да Йӱр кува ден кугызалан пелештеныт.