Марий Элын тистыже

Википедий — эрыкан энциклопедий гыч материал

Марий Элын тистыже - Марий Эл Республикын кугыжаныш ӱжватаже. Кызытсе тисте 5 Ӱярня 2011 ийыште пеҥгыдемдалтын, 1 Пеледыш 2011 ий гыч кучылталтеш. Автор-влак – Г. Булыгин, А. Данилов

Тисте нерген[тӧрлаташ | кодым тӧрлаташ]

«

Марий Эл республикын кугыжаныш тистыже - ныл лукан ош тӱсан, кужыт ден лопкыт: 2:3 соотношениян шовыч. Тоя велне шемалге-йошкар тӱсан марий тӱрым сӱретлыме. Тистын 8-ше ужашыжым тӱр айла.

Ош шовыч покшелне Марий Эл Республикын кугыжаныш ойыпшо сӱретлалтын.

»

8 Пеледыш 2011 ийыште Марий Эл Республикын тӧртыкшӧ почеш тисте нерген вес описаний лектын:

«

Государственный флаг Республики Марий Эл представляет собой прямоугольное серебряное полотнище с соотношением ширины к длине 2:3, имеющее со стороны древка червлёную полосу с марийским орнаментом.

В центре Государственного флага Республики Марий Эл находится изображение Государственного герба Республики Марий Эл.

»

Тисте покшелне суретлыме ойыпын описанийже тыгерак возымо:

«

Государственный герб Республики Марий Эл представляет собой щит, в серебряном поле которого изображён восстающий червлёный медведь с золотыми когтями, зубами и чёрными с серебром глазами. В правой лапе — обращённый вниз меч, в лазоревых ножнах с золотыми фрагментами, и золотой молот с серебряной рукояткой. В левой лапе — окраённый золотом лазоревый щит с изображением золотого скошенного марийского креста, образованного двумя парами сдвоенных, отвлечённых узких перевязей накрест, на концах дважды гаммированно-загнутых внутрь каждой пары, с ромбом посередине. Гербовый щит увенчан земельной короной с зубцами, стилизованными под марийский орнамент с тремя отдельными ромбами.

»

Тистын ыҥже[тӧрлаташ | кодым тӧрлаташ]

Кугыжаныш-влак чоҥалтме деч ончыч маскам финн-угор калык-влак, славян племена-влак пагаленыт. Маска – озам, чодыра оролым ончыкта.

Тыгак, тистыште сӱретлыме тошто марий тӱр кинде перкем (плодородийым) ончыкта.

Керде вийым, пеҥгыдылыкым, шочмо элым аралаш ямде улмым ончыкта.

Чогыт – пашаче-влакын символжо.

Шӧртньӧ короно кугыжаныш виктарымым ончыкта. Тистыште кум пӱян короно сӱретлыме. Кум пӱй – тиде Марий Элын кум кугу олаже: Йошкар-Ола, Юлсер-Ола, Чыкма; кумданрак ончалаш гын кум пӱй «М» буквам марла стиль дене возымым ончыкта.

Ош тӱс – ший тӱс, марий калыкын йӧратыме шергакан кӱртньыжо. Тыгакак, ош тӱс порылыкым, яндар улмым, калыкын поро шонымашыжым ончыкта.

Ондаксе тисте-влак[тӧрлаташ | кодым тӧрлаташ]