21 сӱрем

21 сӱрем (21 июль) — григориан кечышот почеш идалыкын 202-шо (кужемдыме ийлаште — 203-шо) кечыже. Идалык пытыме марте 163 кече кодеш.

Пайрем да памятный дате-влак

• Россий — Металлургын кечыже.
• Бельгий — Калыкле кече (Наций кече).
• Гуам — Эрык кече.

Лӱмгече

• Католик лӱм-влак: Андрей, Виктор, Даниил.
• Танле (православный) лӱм-влак: Дмитрий, Прокопий (Прокофий).

Событий-влак

Тугак ончо: Категорий:Сӱрем тылзын 21 кечысе событий-влак

Марий тӱняште

• 1978 ий — Йошкар-Олаште марий сылнымутын классикше Сергей Григорьевич Чавайнлан чапкӱм шогалтеныт.

Тӱня мучко

• 1613 ий — Успений черкыште Михаил Фёдорович Романов кугыжам тронлан венчаеныт. Тыге Романовмыт кугыжа династий тукым тӱҥалын.
• 1917 ий — Российысе виктерын вуйлатышыжлан Александр Керенскийым шогалтыме.

Шочыныт

Тугак ончо: Категорий:Сӱрем тылзын 21 кечынже шочшо-влак

• 1938 ий — Эврик Анисимов (Эврик Васильевич Анисимов), марий серызе, почеламутчо, журналист, СССР Серызе-влак ушемын йыжъеҥже (1992), Марий Эл Журналист-влак ушемын йыжъеҥже (1998).
• 1941 ий — Леонид Михайлович Кудряшов, журналист. Ятыр жап «Марий Эл» газет редакторын алмаштышыжлан пашам ыштен. Марий республикын сулло журналистше чап лӱм дене палемдалтын.
• 1949 ий — Владимир Николаевич Александров, театр пашаеҥ, Марий Эл Республикын Калык артистше. Горький олаште шочын. Паша корныжо марий кундемысе опер да балет театр дене кылдалтын. 1975-ше ий годсек тудо солистлан тыршаш тӱҥалын.
• 1965 ий — Галина Яковлевна Орлова, туныктыш пашаеҥ. Поранча кундем Олор ялыште шочын. 1990 ий гыч Марий Тӱрек кундемысе Мари-Купто кыдалаш школышто историй предметым туныктышылан тыршаш тӱҥалын. Ятыр организатор сомылымат шуктен шоген да кыртмен тыршымыж дене кугу пагалымашым сулен. Галина Яковлевна туныктымо пашаж дене Россий Федерацийысе президентын грантшым сулен.
• 1966 ий — Вероника Корчемкина, мурызо, почеламутчо. Шочынжо Вероника Николаевна Морко кундем Ӱшуттӱр ялыште. Но илыш пӱрымашыже У Торъял кундемыш конден.
• 1988 ий — Марина Валерьевна Соколова, марий йылмызе, шанчызе, туныктышо, филологий шанче кандидат (2015).

Коленыт

Тугак ончо: Категорий:Сӱрем тылзын 21 кечынже колышо-влак

• 1964 ий — Константин Беляев, курыкмарий серызе, почеламутчо, семлызе, СССР Серызе-влак ушемын йыжъеҥже (1960), 1941–1945 ийласе Кугу Ачамланде сарын участникше.

Калык пале

• Руш православий йӱлам кучышо-влак Прокопийын кечыжым палемдат. Калык ты кечын пӱртӱсын йӱкшым колыштын. Тыгак модо саскам поген.
• Кугезына-влакын шонымашышт почеш, тиде кечын пачемыш да мӱкш-влак дене мутланет гын, нуно тыйым огыт пӱшкыл.

	21 сӱрем Викиклатыште?