Мӱкш

Википедий — эрыкан энциклопедий гыч материал
Перейти к навигации Перейти к поиску
Мӱкш-влак
Биологий классификаций
Кугыжаныш: Янлык
Пӧлка: Йыжыҥйолан
Класс: Шыҥа-Копшаҥге
Тӱча: Чорашулдыран
Ӱлылтӱча: Вургомӱшкыран
(рангдыме): Мӱкш (Apiformes)
Йамагат-влак

Andrenidae
Apidae
Colletidae
Dasypodaidae
Halictidae
Megachilidae
Meganomiidae
Melittidae
Stenotritidae

Synonyms

Apiformes

Мӱкш (лат. Anthophila. Мӱкш-влак кӱшылйамагатыш пура, лат. Apoidea) — шыҥа-копшаҥге. Тӱняште 20 тӱжем наре мӱкш тӱрлык уло. Антарктидым шотыш налде, мӱкш-влакым Мландын кеч могай лукыштыжо муаш лиеш. Нектарым да пеледыш пуракым кочкыт, нектар - вийым, пеледыш пурак - ошыкым да моло кӱлешан эменым пуа. Нектарым погаш мӱкш кужу нержым пайдалана. Кажне мӱкшын кок мужыр шулдыржо уло. Шеҥгел шулдыр мужыржо изирак.

Шыркаҥдымаш[тӧрлаташ | вики-текстым тӧрлаташ]

Мӱкш шыркаҥдымаш паша денже пеледше кушкыл-влаклан шукемаш полша. Нектар да пеледыш пуракым погымо годым ик пеледыш гыч весыш чоҥештылеш, капштыже кушшо ӱп дене пеледыш пуракым пога. Ӱп коклашке пеледыш пурак пижеш. Мӱкш шке мӱшкыржым йол денже эрыкта да пеледыш пуракым шеҥгел йол коклаште верланыше калташке пога.

Пелдыш пурак ден нектар иктеш варалтыт, тиде нугыдым карашыш оптат, ӱмбакыже мӱкш муным пыштат, вара караш петыратлтеш. Ялозанлыклан мӱкш-влак кугу пайдам кондат. Мӱйым ыштыме дене гына огыл, пеледышым шыркаҥдымаш - моткоч кугу пайда. Мӱкшава шыжым ик кечыште 2000 муным пышта, мӱй погымо жапыште 1000 гыч 1500 муно марте.

Южо мӱкш тӱрлык-влак пеледыш пурак олмеш пеледыш ӱйым гына погат. А Meliponini лӱман мӱкш тӱшка колышо шыҥа-копшаҥгым кочкыт - пеледыш пуракым огыт пого. Нунын умдышт уке.

Тыгак ончо[тӧрлаташ | вики-текстым тӧрлаташ]