Пушкина, Наталья Васильевна

Википедий — эрыкан энциклопедий гыч материал
Перейти к навигации Перейти к поиску
Наталья Васильевна Пушкина
Наташа Пушкина
Наташа Пушкина.jpg
Тыршымаш алан:

мурызо, радиовӱдышӧ, сценарист, режиссёр

Шочын:

1979 ий 18 идым(1979-09-18) (40 ий)

Шочмо вер:

РСФСР, Марий АССР, Морко кундем, Марий Кужер ял

Гражданство/Подданство:

Совет Ушем Совет Ушем
Россий Россий

Йоча-влак:

Эрвина

Чап пӧлек да премий:
Наташа Пушкина Александр Речкин дене сценыште.
П. Васильевын фотожо.

Наташа Пушкина (Наталья Васильевна Пушкина) (1979 идым 18, РСФСР, Марий АССР, Морко кундем, Марий Кужер ял) — радиовӱдышӧ, сценарист, режиссёр, мурызо, мыскараче, мер пашаеҥ, Марий Эл Республикысе Олык Ипай лӱмеш Кугыжаныш самырыктукым премийын лауреатше (2006).

Илыш корныжо[тӧрлаташ | вики-текстым тӧрлаташ]

Наташа Пушкина 1979 ийын идым тылзын 18-ше кечынже Морко кундем Марий Кужер ялеш шочын. Визымше классыште тунеммыж годым ешыж дене пырля пошкудо Ердӱр ялыш илаш куснен, санденак, южгунам Наташа Пушкинан шочмо верже семын Ердӱр ялым возат.

Наташа Пушкина «Саскавий» ӱдырамаш ушемын еҥже. «У вий» самырык-влакын ушемыштлан негызым пуышо-влак коклаште лийын. Марий КВН-ым лач тудак шке йолташыж-влак дене пырля тӱҥалын. У семын шонымыж дене марий концерт да дискотеке-влаклан у шӱлыш дене у сыным пуэн, у формат-влакым тӱвыра мероприятий-влаклан темлен. Тыгак, икымше марий мюзиклым тудын сценарийже почеш шындыме.

Тунеммаш[тӧрлаташ | вики-текстым тӧрлаташ]

Школын тӱҥалтыш класслаште тунеммыж годымак тудо талантан йоча-шамычлан интернат-школыш фортепьяно дене шокташ тунемаш пурен улмаш. Но ик жап гыч мӧҥгыжӧ пӧртылын. А школ деч вара Морко СПТУ-шко штукатур-малярлан тунемаш пура. Тунем лекмеке, Йошкар-Олашке толеш да кок ий наре 16-шо №-ан чоҥымо организацийыште, «Маригражданстрой» ПАУ-што, штукатур-малярлан ыштен.

Кӱшыл шинчымашым Марий кугыжаныш педагогике институтышто налын. 2004 ийыште филолог специальность дене тунемын пытарен. Аспирантурышто тунемаш тӱҥалмеке жап укелан кӧра шанче паша деч кораҥеш да тӱвыра аланыште уло вий дене тыршаш тӱҥалеш.

Тукымлӱм нерген[тӧрлаташ | вики-текстым тӧрлаташ]

Тукымлӱмжым ачаж деч налын, ачаже - коваж деч. Ачаже интернатыште кушкын, тушто тудым кован фамилийже почеш возеныт. Марлан лекмыж деч вара тудо Эстонийыш стажировкыш ик ийлан кайышаш ыле. Чыла кагаз-влакым ӱдыр фамилийжылан возымо ыле, сандене ЗАГС-ыште шке фамилийжым вашталтен огыл. Кунам Йошкар-Олаш пӧртылын, Пушкина фамилий денак кодын.

Муро-влак[тӧрлаташ | вики-текстым тӧрлаташ]

Наташа Пушкина мурызо семын шуаралтеш. Чыныжым, тиддеч ончычат ятыр муро-проектлаште йӱкшым колышташ йӧн лийын, но[2010 ий гыч сольный проектшым тӱҥалеш. 2012 ий гыч эше «Волгыдо» эстраде муро ансамбльым чумыра, тудын дене пырля гастрольлашке коштеш. Дмитрий Чайников, Володя Матвеев дене пырля мурым возен.

Дискографий[тӧрлаташ | вики-текстым тӧрлаташ]

  • «Йоча муро» - кок дискан йоча-влаклан пӧлеклалтше муро-караоке проект. Наташан проектше.

Чап[тӧрлаташ | вики-текстым тӧрлаташ]

Кылвер-влак[тӧрлаташ | вики-текстым тӧрлаташ]