18 идым
| ← идым → | ||||||
| Шч | Кш | Вр | Из | Кг | Шм | Рш |
| 1 | ||||||
| 2 | 3 | 4 | 5 | 6 | 7 | 8 |
| 9 | 10 | 11 | 12 | 13 | 14 | 15 |
| 16 | 17 | 18 | 19 | 20 | 21 | 22 |
| 23 | 24 | 25 | 26 | 27 | 28 | 29 |
| 30 | ||||||
| 2024 ий | ||||||
18 идым (18 сентябрь) — григориан кечышот почеш идалыкын 261-ше (кужемдыме ийлаште — 262-шо) кечыже. Идалык пытыме марте 104 кече кодеш.
Пайрем да памятный дате-влак
[тӧрлаташ | кодым тӧрлаташ]
Колышо мотоциклист-влакым шарныме кече- Вӱдын качествыжым эскерыме тӱнямбал кече.
Азербайджан — Калыкле сем кече.
Лӱмгече
[тӧрлаташ | кодым тӧрлаташ]Идым тылзын латкандашымше кечынже шке лӱмгечыштым Глеб, Елизавета, Захар, Раиса да Максим-влак палемдат.
Событий-влак
[тӧрлаташ | кодым тӧрлаташ]Тугак ончо: Категорий:Идым тылзын 18 кечысе событий-влак
- 1810 — Чили элын Испаний деч кораҥмыже нерген увертарыме. Тудо шке суверенитетшым налын.
- 1947 — Америкыште Рӱдӧ разведке кучемым почмо. Тудым ЦРУ маныт.
- 1991 — Украинын тистыжым пенгыдемдыме.
Шочыныт
[тӧрлаташ | кодым тӧрлаташ]Тугак ончо: Категорий:Идым тылзын 18 кечынже шочшо-влак
- 1901 — Димитрий Орай, марий серызе, журналист, СССР Серызе-влак ушемын йыжъеҥже (1939), 1941–1945 ийласе Кугу Ачамланде сарын участникше.
- 1949 — Алевтина Ильинична Бердинская, тӱвыра пашаеҥ. Шернур посёлкышто шочын. 1997-ше ийыште тудо Республикысе йоча книгапӧрт секретариатын вуйлатышыжлан шогалын. Алевтина Ильинична мыланна ятыр марий муро сем автор семынат палыме. Тудын мурыжо-влакым эфирыштына Татьяна Денисова, Эльвира Трифонова да молат йоҥгалтарат.
- 1952 — Геннадий Александрович Мальгин, тӱвыра да мер пашаеҥ, Татарстан республикын сулло тӱвыра пашаеҥже. Татарстан кундемыште шочын-кушкын. Паша корныжо Менделеевск кундемысе Элнет тӱвыра пӧрт дене кылдалтын. Тыште тудо «Элнет» лӱман ансамбльым чумырен. Суапле пашажым палемдыде кодымо огыл: ятыр чап танык дене палемдалтын.
- 1960 — Валерий Александрович Чеботкин, сӱретче, Марий Эл кугыжаныш премийын лауреатше. Йошкар-Олаште шочын. Паша корныжо М. Шкетан лӱмеш Марий калыкле драме театрыште тӱҥалын.Йошкар-Оласе художественный училищыште туныктышылан пашам ышташ тӱҥалын – 5 ий вуйлатышыжланат тыршен. Уста сӱретчын пашаже-влак Нью-Йоркышто, Прагыште, Парижыште да моло олаласе ончерлаштат лийыныт.
- 1956 — Иван Михайлович Стрельников, мыскараче, мер пашаеҥ, «Марий ушемын» йыжъеҥже. Шкеже тудо У Роҥго кундем Кӱрсола гыч, но кызыт У Роҥго кугыялыште ила. Иван Михайлович тӱвыра тӱняштат кугу пагалымашым сулен шуктен.
- 1979 — Пушкина, Наталья Васильевна, радиовӱдышӧ, сценарист, режиссёр, мурызо, мер пашаеҥ, «Марий Эл Радио»-н тӱн редакторжо (2005–2015), Марий Эл Республикысе Олык Ипай лӱмеш Кугыжаныш самырыктукым премийын лауреатше (2006), Марий Мер Каҥаш-ын йыжъеҥже (2008) ий гыч, Марий Элысе «Республикысе Марий тӱвыра рӱдер»-ын директоржо (2015 ий гыч), Марий Эл Республикын шымше созыв Кугыжаныш Погынжын депутатше (2019 ий гыч), Марий Эл Республикысе тӱвыран сулло пашаеҥже (2020).
Коленыт
[тӧрлаташ | кодым тӧрлаташ]Тугак ончо: Категорий:Идым тылзын 18 кечынже колышо-влак
Калык пале
[тӧрлаташ | кодым тӧрлаташ]- Елизавета да Захарий-влакын пайремышт. Ожно тиде кечын ӱдыр-влак ончыкылык пӱрымашышт нерген мужедыныт. Куэ выньык дене пöрт гыч чыла черым да осалым ӱштын луктыныт. Тиде кечын шочшым нимогай осал вий сеҥен ок керт, манын ӱшаненыт.
|
18 идым Викиклатыште? |
|---|