Чемышев, Андрей Валерьевич

Андрей Валерьевич Чемышев
Андрей Чемышев, 2015 ий. Н. Любимовын фотосӱретше
Шочын:	1970 ий 6 Сӱрем(1970-07-06) (52 ий)
Шочмо вер:	Кугу Мушко, Верхнекугенерское сельское поселение[d], Шернур кундем, Марий Автоном Совет Социализм Республик, Россий Совет Федератив Социализм Республик[d], Совет Социализм Республик-влак Ушем
Эл:	Россий  Совет Социализм Республик-влак Ушем
Шанче алан:	йылмызе
Паша вер:	ЙСИШМИ
Чап пӧлек да премий	Марий Эл Республикысе М.Н. Янтемир лӱмеш Кугыжаныш премий (2011, 2021)
Андрей Валерьевич Чемышев Викиклатыште

Андрей Валерьевич Чемышев (1970 сӱрем 6, РСФСР, Марий АССР, Шернур кундем, Кугу Мушко ял) — марий шанчызе, йылмызе, мер пашаеҥ, компьютерный лингвист, Марий Эл Республикысе М.Н. Янтемир лӱмеш Кугыжаныш премийын лауреатше (2011, 2021).

Илыш корныжо

Андрей Чемышев 1970 ийын сӱрем тылзын 6-шо кечынже Марий АССР Шернур кундем Кугу Мушко ялеш шочын. Ял школым пытарымек, Санкт-Петербургыш куснен, тушто военный училищыште тунемын да радиосвязь специальность дене пашам ыштен.

Вара Марий Элыш пӧртылын, 2005 ийыште «Марий Эл Радиошто» сем редакторлан пашам ышташ тӱҥалын. 2011 ийыште Сыктывкарысе Инновационный йылме технологийын рӱдерышкыже пашаш пурен, 2016 ийыште — Йылмым, сылнымутым да историйым шымлыше марий институтыш.

Тӱҥ пашаже-влак

• Абукаева, Любовь Алексеевна. Словарь сравнений марийского языка / Л.А.Абукаева, А.В.Чемышев, А.А.Митрускова. – Йошкар-Ола: Издательский дом «Марийское книжное издательство», 2019. – 493 с. (пырля ыштыме паша).

Чап

• Марий Эл Республикысе М.Н. Янтемир лӱмеш Кугыжаныш премий (2011, 2021);
• Марий Эл Республик Вуйлатышын Тауштымашыже (2020).

Фотогалерей

• 

  Выру институтышто вашлиймаш. 2020 ий.

• 

  Выру тоштерыште. Сулэв Йӱвӓ дене. 2020 ий.