Матвеев, Владимир Владимирович

Википедий — эрыкан энциклопедий гыч материал
(Колтымо Володя Матвеев гыч)
Перейти к навигации Перейти к поиску
Владимир Владимирович Матвеев
Володя Матвеев
Володя Матвеев 26 июля 2014.jpg
Володя Матвеев концертыште. 2014 ий.
П. Васильевын фотожо.
Тыршымаш алан:

мурызо, радиовӱдышӧ, драматург, серызе, почеламутчо

Шочын:

1989 ий 27 ага(1989-05-27) (30 ий)

Шочмо вер:

Марий АССР, Юлсер кундем Отымбал ял

Гражданство/Подданство:

Совет Ушем Совет Ушем
Россий Россий

Пелаш:

Саида (икымше пелаш, ойырленыт)

Йоча-влак:

Владислава, Дамир

Чап пӧлек да премий:
Сайт:

v-matveev.ru

Володя Матвеев (Владимир Владимирович Матвеев) (1989 ага 27, Марий АССР, Юлсер кундем Отымбал ял) — марий мурызо, радиовӱдышӧ, серызе, почеламутчо, драматург, журналист, сценарист, Марий Эл Республикысе М. Шкетан лӱмеш Кугыжаныш премийын лауреатше (2013).

Илыш корныжо[тӧрлаташ | вики-текстым тӧрлаташ]

Володя Матвеев Юлсер кундем Порат ялшотан илемын Отымбал ялыште шочын-кушкын. Пӧтъял тунемме рӱдерыште кыдалаш шинчымаш дене пырля музык шинчымашым налын: баян дене шокташ тунемын. Марий кугыжаныш университетыш журналистлан тунемаш пурымек, 2007-ше ийыште Марий Эл Радиошко пашам ышташ толын. Тидын годымак Володя шкенжым эстрада мурызо да драматург семын терга. 2015 ийыште Володям Марий Эл Радион тӱҥ редакторжылан шогалтат.

Паша[тӧрлаташ | вики-текстым тӧрлаташ]

Марий Эл Радиошто лукшо редакторлан пашам ышта, "Поэтъял", "Ӱмыргорно", "Коҥга тӱр воктене" да эше ятыр передачым ямдыла да вӱда.

Мурызо семын[тӧрлаташ | вики-текстым тӧрлаташ]

Муро-влакым 9-ше классыште тунеммыж годым мураш тӱҥалын. Вячеслав Осипов мурызо да семлызе дене палыме лиймеке, тудын дене пырля икмыняр мурым йоҥгалтарашлан ямдылен. 2005 ийыште кугу сценыш лектын. 2008 ий гыч моло автор-влакын возымо почеламутышт да семышт дене муро-влакым луктеш. Алена Яковлева мурызо дене «Касарыдыме сулык» ныжыл мурым йоҥгалтара. Тиде дуэт Марий Эл Радион йодыштмашыж почеш тудо жапыште «Идалыкын эн чапле дуэтше» лӱмым сула. Ты жапыштак шке возымо почеламутшылан мурым мураш тӱҥалеш, концертлашке моткоч чӱчкыдын коштеш. Гастроль дене Татарстан, Пошкырт Эл, Свердловск вел, Виче вел марте шуеш.

2010-2011 ийла гыч Анатолий Зарецких дене икмыняр гана чолга дуэтым чоҥа, пырля ятыр кундемыш гастроль дене тарванат, пырля Йошкар-Олаште кугу концертым шындат. Тиде жап гыч Володя Матвеевын муро-влакыштыже калык сем деке шӱмаҥмаш шижалташ тӱҥалеш. Куштымаш такмак-влакым ямдыла, «Куэрлаште» мурым луктеш. Варажым «Куэрлаште» мурылан профессиональный клипым луктеш.

Театр постановко-влак[тӧрлаташ | вики-текстым тӧрлаташ]

Муро-влак[тӧрлаташ | вики-текстым тӧрлаташ]

  • Володя Матвеев — Унам-влаклан.
  • Володя Матвеев — Тыге лиеш мо йӧраташ?!
  • Володя Матвеев — Икымше лум.
  • Володя Матвеев — Шем шинчан таҥем.
  • Володя Матвеев — Тылат мурем.
  • Володя Матвеев — Мый толам тый декет.
  • Володя Матвеев — Шыманрак шинчашкет ончынем.
  • Володя Матвеев да Анатолий Зарецких — Сагынет гын...
  • Володя Матвеев, Эльвира Трифонова, Анатолий Зарецких, Лилия Петухова, Артур Евремов — Чоным почын мурена.
  • Володя Матвеев да Наташа Пушкина — Йӱржӧ йӱреш.
  • Володя Матвеев — Йӧратен шынденам.
  • Володя Матвеев — «Кече тый улат».

Чап[тӧрлаташ | вики-текстым тӧрлаташ]

Кылвер-влак[тӧрлаташ | вики-текстым тӧрлаташ]