Якаева, Ирина Геннадьевна

Википедий — эрыкан энциклопедий гыч материал
Ирина Геннадьевна Якаева
Ирина Якаева, Ирсан
Шочын 1983 ий 1 пургыж(1983-02-01) (41 ий)
Шочмо вер РСФСР, Марий АССР, Шернур кундем, Шернур ола сынан посёлко
Йоча-влак Аня ӱдыр
Чап пӧлек да премий

Марий Эл Республикысе Олык Ипай лӱмеш Кугыжаныш самырыктукым премий

Ирина Якаева, Ирсан (Ирина Геннадьевна Якаева) (1983 пургыж 1, РСФСР, Марий АССР, Шернур кундем, Шернур ола сынан посёлко) – марий мурызо, радиовӱдышӧ, Марий Эл Республикысе Олык Ипай лӱмеш Кугыжаныш самырыктукым премийын лауреатше (2006).

Илыш корныжо[тӧрлаташ | кодым тӧрлаташ]

Ирина Якаева 1983 ийын пургыж тылзын 1-ше кечынже Марий АССР Шернур кундем Шернур ола сынан посёлкеш шочын. Йоча пагытше Шернур посёлкышто эртен, кыдалаш шинчымашым ӱдыр тысе 2-шо №-ан школышто налын. Школ деч вара Марий кугыжаныш университетын студентше лийын, ончыкылык илышыжым журналистике дене кылден.

Паша[тӧрлаташ | кодым тӧрлаташ]

«Дипломым кидыш налмеке, Марий Эл радиош логалынам. Радион икымше кечылаж гычак тыште пашам ыштем. Каласем: паша йӧратыме, вес вере шкемым омат шиж, омат уж, вес профессий дене пашажым ыштенат ом керт, очыни. Илышем радио дене кылдем манын шонен омыл. Журналистике пӧлкаш тунемаш пуренам гын, чынжымак, журналист лиям манын ӱшаненам, но кушто ышташ тӱҥалам манын, эше пален омыл. Университетым тунем пытарыме жап радиом почмо дене келшен толын, тугеже тышке толмем пӱрымаш», – ойла И.Якаева.

Радио шуко оҥай, творческий шӱлышан еҥ-влакым ушен. Ончыч нелырак лийын гынат, пырля келшен, кыртмен, ик шонымаш дене тыршыме пайдам конден:

«Тӱҥалтыште ятыр нелылыкым чытен лекташ логалын. Тӱрлӧ техникым тунемме, программе-влакым шке гыч погымо, шонымо. Тӱрлӧ джинглым, заставке-влакым ямдылаш кӱлын, сандене куд шагат эр гыч пелйӱд марте паша верыште чыланат шинченна. Айлыме кумдыкнажат изирак лийын, ешланат жапым шагалрак ойырымо, туге гынат, нимом ончыде, йӧратен, тиде пашам шуктенна».

Мурызо семын[тӧрлаташ | кодым тӧрлаташ]

Ирина мурызо семын шкенжым сценыште ончыкта. Калыкыште тудым тыгак Ирсан лӱм дене палат.

Муро-влак[тӧрлаташ | кодым тӧрлаташ]

  • Ирсан – Вучем
  • Ирсан – Бикини-мини
  • Ирина Якаева – Ош куэ
  • Ирина Якаева – Пиал дек кайме корно
  • Ирина Якаева – Ломбо

Чап[тӧрлаташ | кодым тӧрлаташ]

Кылвер-влак[тӧрлаташ | кодым тӧрлаташ]

Важ-влак[тӧрлаташ | кодым тӧрлаташ]

  1. Лауреаты премии имени Олыка Ипая. Библиографический указатель. Национальная библиотека им. С.Г. Чавайна. Йошкар-Ола. 2012. C. 88–89.