Карпов, Сергей Владимирович

Википедий — эрыкан энциклопедий гыч материал
Сергей Владимирович Карпов
Сергей Карпов
Сергей Карпов усталык касыштыже, 2016 ий. П. Васильевын фотожо.
Сергей Карпов усталык касыштыже, 2016 ий.
П. Васильевын фотожо.
Шочын 1975 ий 5 шорыкйол(1975-01-05) (49 ий)
Шочмо вер РСФСР, Марий АССР, Кужэҥер кундем, Саламатнур ял
Йоча-влак Юрий (2004), Дарья (2009)
Чап пӧлек да премий

Марий Эл Республикысе Олык Ипай лӱмеш Кугыжаныш самырыктукым премий

Сайт esmetr.ru

Сергей Карпов (южгунам – мыскараче Сергуш) (Сергей Владимирович Карпов) (1975 шорыкйол 5, РСФСР, Марий АССР, Кужэҥер кундем, Саламатнур ял) – артист, радиовӱдышӧ, мыскараче, амалкалче, мер пашаеҥ, Марий Эл Республикысе Олык Ипай лӱмеш Кугыжаныш самырыктукым премийын лауреатше (2006).

Илыш корныжо[тӧрлаташ | кодым тӧрлаташ]

Сергей Карпов 1975 ийын шорыкйол тылзын 5-ше кечынже Марий АССР Кужэҥер кундем Саламатнур ялеш шочын. 1976 – 1981 ийлаште Поранча кундем Элнет (Илеть) селаште илен. Вара угыч Кужэҥер район Саламатнур ялыш ешыж дене пырля илаш толын.

Тунемме пагыт[тӧрлаташ | кодым тӧрлаташ]

1981 ийыште Кужэҥер район Саламатнур тӱҥалтыш школыш кошташ тӱҥалын. 1985–1987 ийлаште Кужэҥер район Руш-Шой кыдалаш школышто шинчымашым пога. 1987 ийыште Морко кундем Шеҥше селаш илаш еш дене пырля куснен. Тыште кыдалаш школыш кошташ тӱналын.

Йошкар-Олаште[тӧрлаташ | кодым тӧрлаташ]

1992 ийыште школым тунем пытарыме деч вара Йошкар-Оласе 12 ГПТУ тунемаш пурен. Тыште автослесарь-шофер профессийым налын.

1993 ий пеледыш гыч гыч 1994 ий теле тылзе марте – Астрахань олаште армийыште лийын. ПВО войскаште службым эртен.

Поснак кугу кышам Сергей Карповын усталык пашаштыже Марий Эл Республикысе Курчак театрыште тыршымаш коден. Тушто тудо 1995 ий ӱярня тылзе гыч – 2006 ий вӱдшор тылзе марте пашам ыштен. Ондак машинист сценылан тӱналмеке, пел ий гыч актер-кукловод лийын.

2007 ий идым тылзе гыч – 2009 ий ага тылзе марте – Республикысе Марий самырык театрыште калык дене пашам ыштыше директорын полышкалышыжлан ыштен (зам директора по работе со зрителями). Ныл ий наре Тӱвыра да сымыктыш колледжыште тунемын. 1996 – 2000 ийлаште СКД пӧлкан педагог-организатор художествено-массовых форм досуга специальностьым налын.

Вара Татьяна Денисова дене ик жапыште Озаҥыш тунемаш пура. 2001 – 2006 ийлаште Озаҥысе тӱвыра да сымыктыш кугыжаныш университетыште «актер театра кукол» квалификаций шинчымашым поген.

2005 ий гыч 2019 ий марте Марий Эл Радиошто пашам ыштен [1]. Палемдыман, эфирыш, радион икымше паша кечынже Мурпӧлек программым вӱден.

Кызытсе жап[тӧрлаташ | кодым тӧрлаташ]

2007 ий гыч амалкалче семын ышта.

Еш[тӧрлаташ | кодым тӧрлаташ]

Сергей Карпов пелашыж дене пырля. 2015 ий.
П. Васильевын фотожо.
  • Пелашыже – Карпова Алевтина Николаевна.
  • Икшывыже-влак: Юрий (2004); Дарья (2009).

Дискографий[тӧрлаташ | кодым тӧрлаташ]

Сергей Карпов Марий Эл Радион лукмо тӱрлӧ дисклаштыже улеш, концерт-влакым вӱда. Шкеат кажне ийын "Мыскара йӧрвар" концертым эртара.

  • Шкеже Унчо вел гармонист Алексей Григорьевын «Семаршаш» дискшым луктын.

Шке возымо мыскара автобиографийже[тӧрлаташ | кодым тӧрлаташ]

Сергей Карпов дене Вера Горохова мыскара концертыште. 2016 ий.
« Автобиографий але Мартин Васлин Эчен Микужын эн кугу эргыже Сергейже.

Лӱмем Сергей-Серёжик-неррожик, изием годым тыге маныт ыле, артист семын Сергей Карпов, начальник семын Сергей Владимирович.

Шочынам США-те. Огыда ӱшане. Куженер районыште Саламатнур, Шойдум, Аганур ял-влак улыт. С-Ш-А. Шеҥгел марийыштет. Э-э-э шеҥгел марий шотыште. Весела Студент мӧҥгӧ велышкыже миенат, саламлалтеш:

—Салам лийже, шеҥгел марий-влак!

—Кугурак-влакет: «Тый мо!»

—Да мыйже кап-кыл ужаштен шым ойло вет.

Негызым пыштен Мартин Васлий Эчен Микужо. Ачам. Эн кугу эргыже Сергейже улам. Варажым 4 эрге, 2 ӱдыр. Нер йогымо жап СШАште эртен. Вара Мороккош, кокымшо китайышкет илаш каенна, Морко район Шеҥше селашке. Пырля кызыт Шкетан театрыште ыштыше Светлана Ягулбаева-Сандакова ден 11 класс марте шинчен лектынам. Аттестатыштем ик 3 гына шинча. Марий литература дене. Школ деч вара автослесарь-шофёрлан тунем лектым. 10 ий эртымек рульым кученам Ик ият пеле армийыште служитлен тольым. Служба мучаште гына автоматым ужынам. Лу ий курчак дене модынам. Изиэм годым модын темын омыл ала-мо. Курчак театрыште артист пашатым шуктен шогенам. Марий паркыште Айт Мигыта Васлий Элексе Васлий Николайын Аля ӱдырже дене палыме лийым. Кум ий коштмо деч вара нальым. А тышеч адак анекдот лекте.

Пелашемын шӱжарже деч вес ӱдыр йодын:

—Акат маныт марлан каен.

— Каен.

—Мӱшкыран мо?

—Уке.

—А молан марланже каен.

А икымше гана ончыкылык оньыкува (тёща) деке йӱштӧ кугызам чиен мийенам да палыме лийынам. Костюмжым Йошкар-олаштак чиен лектын, автобусыштат тыгак каенна. Параньга район Елеевыш шумеш.

Вес ийжын олаште чиен лектынам ыле. Чылан саламлат, саламлаш йодыт йӱышӧ-влакет. Аракам тудо чылан темат. Ик грузин, армян, ну шеме-влак дечет мый декем толын шогале тӱкетым лукто, ну шонем коньякым йӱкта, могай, ик бутылка фокинскиетым темыш да ойла «Выпей до конца за моё здоровье». Мыйын уш пошол, йора, йолташем-влак полшышт. Теве эше илышемын йыжыҥже деч. «Эрвел Марий» ансамбльыште куштенам, «Мари» ансамбльште куштем, веҥым Башкирий гыч, шешкым Киров вел. Марий нюсляков, э-э-э Масляков лийынам.

А кызыт мый америкыште гай илем. Магнитола кредит, телевизор кредит, телефон кредит, компьютер кредит, пелашем кредит, шкежат …. Шого-шого ала мом веле ойлыштам. Теве манам, тыште шогылтам да тыгерак илыштам.

»

Чап[тӧрлаташ | кодым тӧрлаташ]

Кылвер-влак[тӧрлаташ | кодым тӧрлаташ]

Важ-влак[тӧрлаташ | кодым тӧрлаташ]

  1. В Марий Эл журналист республиканской телерадиокомпании уволился после предложения руководства сняться с выборов.
  2. Лауреаты премии имени Олыка Ипая. Библиографический указатель. Национальная библиотека им. С.Г. Чавайна. Йошкар-Ола. 2012. C. 88–89.