Астрахань
Ола
Астрахань ![]()
|
Астрахань (рушла Астрахань, суасла Әстерхан) — Российысе ола, Астрахань велын да Астрахань оласе йырвелын рӱдолаже, Каспий регионын тӱҥ тӱвыра, туныктыш, торгайымаш да вуйлатымаш рӱдерже. Российысе исторический олан спискышкыже пура.
Географий[тӧрлаташ | кодым тӧрлаташ]
Ола Астрахань велын кечывалвелныже, Юл эҥер дельтын йӱдвел ужашыштыже верланен. Оласе район-влак Юлын кок серыштыжат улыт: Советский, Кировский да Ленинский район шола серыште, Трусовский — пурла серыште. Олан рӱдыжӧ Кировский районыште верланен.
Астраханьын исторический рӱдыжӧ икмыняр тошто кварталлан шелалтеш: Ош Ола, Суас Слободко, Кугу Исад, Селений, Оржа да тулеч молат. Тыгай районыште революций деч ончычсо архитектур аралалт кодеш.
Калык[тӧрлаташ | кодым тӧрлаташ]
Кызыт олаште 530 тӱжем еҥ ила, нунын коклаштыже руш, суас, казах, ногай, калмык да шуко моло калык.
Транспорт[тӧрлаташ | кодым тӧрлаташ]
Астраханьыште кӱртньыгорно вокзал, автовокзал, аэропорт да эҥер порт уло. Кажне кечын Москош, Санкт-Петербургыш, Казахстаныш рейс-влак ышталтыт.
Ола кӧргӧ транспорт системыш автобус да маршрут такси пурат. Ожно годым Астраханьыште тыгак трамвай да троллейбус улыт, но кызыт нуно огыт кошт.