2 Сорла

Википедий — эрыкан энциклопедий гыч материал
Сорла
Шч Кш Вр Из Кг Шм Рш
  1 2 3 4 5 6
7 8 9 10 11 12 13
14 15 16 17 18 19 20
21 22 23 24 25 26 27
28 29 30 31      
             
2017 ий

2 Сорла — григориан кечышот почеш идалыкын 214-ше (кужемдыме ийлаште 215) кечыже. Идалык пытыме марте 151 кече кодеш.

Пайрем-влак[тӧрлаташ | вики-текстым тӧрлаташ]

  • Россий Россий — Илян кече (Ильин день). Этнограф-влакын возымышт почеш, тиде пайрем христиан вера дене лугалтын. Христиан ӱшан почеш Шнуй Илья кугу пророк лийын. Изи годсек тудо илышыжым Юмылан пӧлеклен. Ильян ю виян лийын. Тудо кум ийлан кукшо игечым конден кертын. Калыкланат кугу полышым ыштен шоген. Калык Илян кечым пагален эртара. Калык шонымо почеш, шнуй Илья чоткыдо, пеҥгыде, но тунамак полшышо да пагалыше. Тудым мардеж, кудырчӧ, волгенче колыштыт. Тудо мландышке шурно, пареҥге, кинде, саска, емыж, да моло мланде поянлык лектышым колта. Калыкыште тӱрлӧ калык пале коштеш. Тиде кечын у пареҥгым луктын кочкыт.
  • Россий Россий, Казахстан Казахстан, Белоруссий БелоруссийЮж десант войскан кечыже (ВДВ кече).
  • Азербайджан Азербайджан — Кугыжаныш кино кече.
  • Гайана Гайана — Эрык кече.
  • Коста-Рика Коста-Рика — Суксо Ӱдыр кече.
  • Македоний Македоний — Республик кече.
  • Flag of Evenkia.svg Эвенкий — Эвенк пӱртӱсын кечыже.
  • Россий Россий
    • Flag of Nenets Autonomous District.svg Flag of Komi.svg (Ямал-Ненец автоном йырвел) — Олень кече.
  • Сербий Сербий — ВВС да ПВО кече.
  • Украина Украина — Аэромобильный войскан кечыже.

Лӱмгече[тӧрлаташ | вики-текстым тӧрлаташ]

  • Католик лӱм-влак: Август, Евсевий.
  • Танле (православный) лӱм-влак (у стиль почеш):
    • Пӧръеҥ лӱм-влак:
      • Аарон — первосвященник Аарон.
      • Аврамий (Авраам, Авраамий) — преподобный Авраамий Галичский, Чухломской
      • Александр — священномученик Александр (Архангельский)
      • Алексий — священномученик Алексий (Знаменский)
      • Афанасий (Афанас, Апанас, Опанас) — священномученик Афанасий Брестский
      • Георгий:
        • священномученик Георгий (Никитин)
        • священномученик Георгий (Пожаров)
      • Евфимий — священномученик Евфимий (Гребенщиков)
      • Илия (Илья) — пророк Илия
      • Иоанн (Иван) — священномученик Иоанн (Стеблин-Каменский)
      • Кассиан (Касьян) — преподобный Кассиан
      • Константин — священномученик Константин (Словцов)
      • Косма — священномученик Косма (Вязников)
      • Леонтий (Леонт) — преподобный Леонтий Стромынский
      • Николай — священномученик Николай (Удинцев)
      • Пётр — священномученик Пётр (Вязников)
      • Савва — Савва Стромынский
      • Сергий — преподобный Сергий (Гортинский)
      • Тихон — священномученик Тихон (Кречков)
      • Феодор — священномученик Феодор (Яковлев)

Мо лийын[тӧрлаташ | вики-текстым тӧрлаташ]

Тугак ончо: Категорий:Сорла тылзын 2 кечынже мо лийын

  • 1930 ий — Москосо сарзе округын ученийыштыже икымше юж десант парашют дене тӧрштен.
  • 1933 ий — Беломор-Балтийский каналым почмо.

Кӧ шочын[тӧрлаташ | вики-текстым тӧрлаташ]

Тугак ончо: Категорий:Сорла тылзын 2 кечынже кӧ шочын

  • 1929 ий — Александр Яковлевич Полянин, туныктыш пашаеҥ, Марий Эл Республикын сулло шанчыеҥже. 1960-шо ий гыч тудо Марий кугыжаныш техник университетыште туныктышылан тыршаш тӱҥалын: тыглай туныктышо гыч проректор марте шуын. 4 ий вӱд ресурс кафедрым вуйлатен.
  • 1936 ий — Петр Андреевич Апакаев, туныктыш пашаеҥ, Марий Эл Республикын сулло шанчыеҥже. Паша корныжо областьысе комитетыште тӱҥалын, вара шанче да шымлыше институтышто шуйнен, но 1986-шо ийыште Марий кугыжаныш педагогик институтын тӱҥалтыш шинчымаш педагогик кафедрын вуйлатышыжлан шогалын да 15 ий тиде сомылым шуктен шоген. 20 утла книган авторжо. Педагогик шанче доктор.
  • 1948 ий — Владимир Владимирович Глушков, ял озанлык пашаеҥ. Ятыр ий уста специалист Шернур кундемысе администрацийысе ял озанлык кучемын тӱҥ агрономжылан тыршен. Ял озанлык шанче кандидат. Шуктен шогымо пашажлан кугыжаныш премий дене палемдалтын.
  • 1964 ий — Евгений Семёнович Ямаев, спортсмен. Поранча кундем Олор ялыште шочын. Параньгасе йоча спорт школышто ынде ятыр ий тренерлан пашам ышта. Тыгак Евгений Семёнович чыла пашалан мастар семын чапланен.
  • 1954 ий — Алевтина Фёдоровна Осипова, актриса, Марий Эл Республикын сулло артистше. Шкеже Провой кундем Дубровка ял гыч. Тудын паша корныжо Йошкар-Оласе курчак театр дене кылдалтын. Тыште тудо шке йӱкшӧ дене тӱрлӧ образ-влакым чоҥен.
  • 1950 ий — Илья Васильевич Ёлкин, мыскараче (2016 ийыште ӱмыр лугыч лийын). У Торъял кундем Васташуй ялеш ( кызыт тудо Советский районышко пура) шочын. Илья Васильевич хоровой общество пелен баянист-хоровик-влакым ямдылыше индеш тылзаш курсыт тунем лектын, тылеч вара 27 ий тӱвыра аланыште тыршен. Клуб гыч кайымеке, мыскарам возаш кумыл лектын. Мыскара-влакым чумырен, икмыняр книгаже лектын.

Кӧ колен[тӧрлаташ | вики-текстым тӧрлаташ]

Тугак ончо: Категорий:Сорла тылзын 2 кечынже кӧ колен

Калык пале[тӧрлаташ | вики-текстым тӧрлаташ]

  • Илян кече. Тиде кече дене шуко оҥай йӱла кылдалтын: южо кундемлаште у кинде мелнам кӱэштыныт, у пареҥгым кочкыныт. Вес оҥай йӱла нерген шагал кӧ пала: тиде кечын пӧрт гыч пырысым, кудывече гыч пийым поктен лукташ тыршеныт, уке гын, волгенче пера манын шоненыт.
  • Марий калыкат Илян кечым кумдан палемда. Ожно лач тиде кече деч вара гына чодырасе емыжым погеныт. Нурысо киндат шуын, ынде шӱшкашат лиеш. Ятыр кундемлаште тиде кечын калык шӱгарлашке коштеш, тошто еҥ-влакым шарналта.