26 идым

26 идым (26 сентябрь) — григориан кечышот почеш идалыкын 269-ше (кужемдыме ийлаште — 270-ше) кечыже. Идалык пытыме марте 96 кече кодеш.

Пайрем да памятный дате-влак

• Европа ушем — Йылме-влак кече.
• Контрацепцийын кечыже палемдалтеш.

Лӱмгече

• Идым тылзын коло кудымшо кечынже Валерьян да Пётр-влакын лӱмгечышт палемдалтеш.

Событий-влак

Тугак ончо: Категорий:Идым тылзын 26 кечысе событий-влак

• 1815 — Россий, Пруссий да Австрий эл-влак коклаште у вашкелшыкым пеҥгыдемдыме. Тудын почеш икте-весылан полшен шогышаш, революций движений ваштареш пырля кучедалшаш улыт улмаш.
• 1995 — Пилдикси оласе сарзе тунемме рӱдер Россий деч Эстонийлан куснен.

Шочыныт

Тугак ончо: Категорий:Идым тылзын 26 кечынже шочшо-влак

• 1947 — Анатолий Васильевич Куклин, инженер, Марий Элын сулло чоҥышыжо. Марий Тӱрек кундем Ошлан ялыште шочын. 1971-ше ий гыч тудо «Марийскгражданпроект» институтын пӧлка вуйлатышыжлан тыршаш тӱналын. «Ялысе школ» проектшылан кугыжаныш премий денат палемдалтын.
• 1964 — Майя Викторовна Шабдарова-Смедман, марий йылмызе, шанчызе, туныктышо, филологий шанче кандидат (1997), доцент.
• 1967 — Валерий Яковлевич Очеев, журналист, книга савыктыше, Марий Эл Радиошто увер пӧлкам вуйлатыше. Поранча кундем Олор ялыште шочын-кушкын. Журналистик корныш тудо 1990-ше ийыште шогалын: Марий Тӱрек кундемысе «Знамя» редакцийын пашаеҥже лийын. Вара «Кугарня», «Марий эрвел» да «Марий Эл» газет редакцийлаштат шуаралтын. «Пульс-радиоштат», телевиденийыштат марий йылме дене передаче-влакым вӱден. Кызыт гын Валерий «Марий Эл Радиошто» увер пöлкам вуйлата, тыгодымак книга савыктыме пашам вораҥдара.

Коленыт

Тугак ончо: Категорий:Идым тылзын 26 кечынже колышо-влак

Калык пале

Корнилийын кечыже. Тиде кечын ожно кресаньык-влак пакча гыч кешырым, ревым, ушменым поген пуртеныт. Уке гын, эр кылме чыла саскат нулал кертеш.

	26 идым Викиклатыште?