26 пеледыш

Википедий — эрыкан энциклопедий гыч материал
(Колтымо 26 Пеледыш гыч)
Пеледыш
Шч Кш Вр Из Кг Шм Рш
      1 2 3 4
5 6 7 8 9 10 11
12 13 14 15 16 17 18
19 20 21 22 23 24 25
26 27 28 29 30    
             
2017 ий

26 пеледыш (26 июнь) — григориан кечышот почеш идалыкын 177-ше (кужемдыме ийлаште — 178-ше) кечыже. Идалык пытыме марте 188 кече кодеш.

Пайрем да памятный дате-влак[тӧрлаташ | вики-текстым тӧрлаташ]

Организация Объединённых Наций ООН, Наркоманий ваштареш кучедалме калык-влак кокласе кече палемдалтеш.

Лӱмгече[тӧрлаташ | вики-текстым тӧрлаташ]

  • Танле (православный) лӱм-влак: Акулина, Александр, Андрей, Андроник, Анна, Антонина, Даниил, Иван, Пелагея, Савва, Трифилий, Яков.
  • Католик лӱм-влак: Иоанн, Павел.

Событий-влак[тӧрлаташ | вики-текстым тӧрлаташ]

Тугак ончо: Категорий:Пеледыш тылзын 26 кечысе событий-влак

  • 1942 ий — Гвардейский краснознамённый танк дивизийым ыштыме.
  • 1945 ий — Совет Ушемын Генералиссимус званийым пуртымо.

Марий тӱняште[тӧрлаташ | вики-текстым тӧрлаташ]

  • 1938 ий — Марий АССР-ын кӱшыл погыныш икымше созыв сайлымаш эртен.
  • 1983 ий — Козьмодемьянск олаште Кава йымалсе этнографий тоштерым почыныт.

Шочыныт[тӧрлаташ | вики-текстым тӧрлаташ]

Тугак ончо: Категорий:Пеледыш тылзын 26 кечынже шочшо-влак

  • 1926 ий — Юрий Николаевич Венценосцев, шанчыеҥ, чодыра озанлык пашаеҥ, Марий республикысе техникын да шанчын сулло пашаеҥже. Марий Тӱрек кундем Марий Пыламарий ялыште шочын. Кӱшыл шинчымашым чодыра техник институтышто налын да тыштак паша вержым муын: чодыра эксплуатаций да машин технологий кафедрын профессоржо лийын. 60 утла шанче пашан, 8 книган, 15 конструктор пашан авторжо. Юрий Николаевич шанчыеҥ семын гына огыл, скульптор, сӱретче да фотограф семынат кумдан чапланен.
  • 1941 ий — Василий Ильич Ильин, Марий Элын туныктышын сулло пашаеҥже. Шкеже Юлсер кундем Шайра ял гыч. Уста туныктышын паша корныжо Сотнур кыдалаш школышто тӱҥалын: ончыч историй предмет дене туныктышылан, вара вуйлатышыланат пашам ыштен. Умбакыже паша корныжо министерствышке конден, а 1988-1992-шо ийлаште Василий Ильич республикысе туныктыш министр лийын. Пытартыш ийлаште тудо Йошкар-Оласе техникумын вуйлатышыже сомылым шуктен шоген..
  • 1954 ий — Зинаида Сергеевна Артюшкина, туныктыш пашаеҥ. Йошкар-Оласе тӱрлӧ школлаште туныктышылан тыршыме деч вара Марий туныктыш институтышто методистлан тыршаш тӱҥалын. Тыгодымак Зинаида Сергеевна «Пеледыш», «Марий памаш» ансамбльлаште шуаралтын. Кызыт тудо «Марий туныктышо» мер ушемын вуйлатышыже.
  • 1960 — Галина Никитьевна Бояринова, туныктыш да шанче пашаеҥ. Шкеже У Торъял кундем Кемсола ял гыч. Ынде ятыр ий уста специалист Марий кугыжаныш университетыште пашам ышта, марий сылнымут кафедрын доцентше улеш. Филологий шанче кандидат.
  • 1992 ий — Михаил Юрьевич Басов «Каче-влак» группын солистше палемда. Тудо шкеже Кужэҥер кундем Шорсола гыч.

Коленыт[тӧрлаташ | вики-текстым тӧрлаташ]

Тугак ончо: Категорий:Пеледыш тылзын 26 кечынже колышо-влак

Калык пале[тӧрлаташ | вики-текстым тӧрлаташ]

  • Акулинан кечыже. Ты кечын шемшыдаҥ пучымышым шолтеныт. Калык палымат эскереныт: ӱвыра шуко гын, игече сай лиеш.