22 пеледыш

Википедий — эрыкан энциклопедий гыч материал
Пеледыш
Шч Кш Вр Из Кг Шм Рш
      1 2 3 4
5 6 7 8 9 10 11
12 13 14 15 16 17 18
19 20 21 22 23 24 25
26 27 28 29 30    
             
2017 ий

22 пеледыш (22 июнь) — григориан кечышот почеш идалыкын 173-шо (кужемдыме ийлаште — 174-ше) кечыже. Идалык пытыме марте 192 кече кодеш.

Пайрем да памятный дате-влак[тӧрлаташ | вики-текстым тӧрлаташ]

Лӱмгече[тӧрлаташ | вики-текстым тӧрлаташ]

  • Танле (православный) лӱм-влак: Александр, Алексей, Иван, Кирилл, Мария, Марфа, Фёкла.
  • Католик лӱм-влак: Павлина.

Событий-влак[тӧрлаташ | вики-текстым тӧрлаташ]

Тугак ончо: Категорий:Пеледыш тылзын 22 кечысе событий-влак

  • 1940 ий — фашист Германий ден Петенын француз виктерже коклаште вашкелшыкым пеҥгыдемдыме.
  • 1941 ий — фашист-влак Совет Ушемыш керылтын пуреныт. Тиде кечын Брест крепость-орым геройлын аралымаш тӱҥалын. Кугу Авамланде Сар тӱҥалын.

Марий тӱняште[тӧрлаташ | вики-текстым тӧрлаташ]

Шочыныт[тӧрлаташ | вики-текстым тӧрлаташ]

Тугак ончо: Категорий:Пеледыш тылзын 22 кечынже шочшо-влак

  • 1934 ий — Анатолий Михайлович Орехов, семлызе, туныктыш пашаеҥ, Марий Эл Республикысе тӱвыран сулло пашаеҥже. Уло ӱмыржым уста специалист туныктымо пашалан пӧлеклен: Йошкар-Оласе сем училищыште тыршен. Тудын тунемшыже-влак кокла гыч ятырын Россий да тӱнямбал кӱкшытыштє марий мландын чапшым араленыт. Анатолий Михайлович шкеже валторн, трубалан пьесе-влакым возен.
  • 1967 ий — Иван Сергеевич Земцов, кугыжаныш пашаеҥ да кумдан палыме сӱретче. Тӱрлӧ ушемлаште тыршыме деч вара, паша верым кугыжаныш комитетыште муын. 1985 ий гычак график дене кылым кучаш тӱҥалын. Ятыр книган оформительже. Сӱретсымыктыш тоштерыште тудын посна ончерже эртен. Кызытат министерствыште пашам ышта.
  • 1941 ий — Игорь Сайпанович Гареев, шанче пашаеҥ, историй шанче кадидат. Пошкырт Эл Мишкан кундем Чобык ялыште шочын. Марий калыкын историйжым шымла. Кызыт Пӱрӧ оласе педагогик академийыште пашам ышта, кафедрым вуйлата.

Коленыт[тӧрлаташ | вики-текстым тӧрлаташ]

Тугак ончо: Категорий:Пеледыш тылзын 22 кечынже колышо-влак

Калык пале[тӧрлаташ | вики-текстым тӧрлаташ]

Кириллын кечыже. Тиде кечым кеҥежын рӱдыжлан шотленыт, вет 22 июньышто кече эн кужун шуйна. Калык ой почеш, тиде кечын изимӧрым-снегым кочман.