11 кылме
(11 Кылме гыч колтымо)
| ← кылме → | ||||||
| Шч | Кш | Вр | Из | Кг | Шм | Рш |
| 1 | 2 | 3 | ||||
| 4 | 5 | 6 | 7 | 8 | 9 | 10 |
| 11 | 12 | 13 | 14 | 15 | 16 | 17 |
| 18 | 19 | 20 | 21 | 22 | 23 | 24 |
| 25 | 26 | 27 | 28 | 29 | 30 | |
| 2024 ий | ||||||
11 кылме (11 ноябрь) — григориан кечышот почеш идалыкын 315-ше (кужемдыме ийлаште 316) кечыже. Идалык пытыме марте 50 кече кодеш.
Пайрем да памятный дате-влак
[тӧрлаташ | кодым тӧрлаташ]- Икымше Ачаэл сарыште колышо-влакым шарныме кече.
Лӱмгече
[тӧрлаташ | кодым тӧрлаташ]Шке лӱмгечыштым таче Анна ден Мария-влак палемдат.
Событий-влак
[тӧрлаташ | кодым тӧрлаташ]Тугак ончо: Категорий:Кылме тылзын 11 кечысе событий-влак
- 1837 — Санкт-Петербург да Царский Селам ушышо икымше пассажир кÿртньыгорным почыныт.
- 1918 — Икымше тÿнямбал сар мучашлалтын.
- 1983 — Икымше компьютер вирусым муыныт.
Шочыныт
[тӧрлаташ | кодым тӧрлаташ]Тугак ончо: Категорий:Кылме тылзын 11 кечынже шочшо-влак
- 1941 — Виктор Сергеевич Иванов, йӧнозанлык пашаеҥ, Россий Федерацийын сулло химикше. Морко кундемыште шочын-кушкын. 1966-шо ий гычак тудо Пермь оласе пычалтар заводышто пашам ышташ тӱҥалын. Туштак шуаралтын.
- 1950 — Николай Викторович Сорокин, озанлык вуйлатыше, Марий Элысе ял озанлыкын сулло пашаеҥже. Юрино посёлкышто шочын. «Горномарийский» совхозын вуйлатышыжлан тыршыме деч вара, Арда ушемыште шуаралтын. 1995-ше ий гыч «Марийхлебопродукт» ушемым вуйлаташ шогалын. 10 ий Марий Эл кугыжаныш погынын депутатше лийын. Суапле пашажлан чап танык дене палемдалтын.
- 1956 — Вячеслав Андреевич Осипов, мурым возышо, мурызо, семмастар. Шочынжо тудо Юлсер кундем Моркиялыште. Паша корныжын ик кугу ужашыже туныктымаш дене кылдалтын. Купсола, Приволжский школлаште туныктышылан тыршен. Самодеятельный композитор семын 1983-шо ийыштак чапланен. Тунам тудо калыкланна «Вероника» мурыж дене палыме лийын. Вячеслав Андреевич ятыр мурызо дене кылым куча. Тудын мурыжо-влакым марий эстрадын шуко шӱдыржӧ йоҥгалтара.
- 1974 — Купсольцева Любовь Николаевна, марий артистка, мурызо, радиовӱдышӧ, телевӱдышӧ, Марий Эл Республикысе Олык Ипай лӱмеш Кугыжаныш самырыктукым премийын лауреатше (2010), Марий Эл Республикын сулло артистше (2014), Йыван Кырля лӱмеш театр премийын лауреатше (2015).
Коленыт
[тӧрлаташ | кодым тӧрлаташ]Тугак ончо: Категорий:Кылме тылзын 11 кечынже колышо-влак
- 1937 — Николай Мухин, марий серызе, почеламутчо, кусарыше, журналист, туныктышо, мер пашаеҥ, СССР Серызе-влак ушемын йыжъеҥже (1934).
- 1937 — Олык Ипай марий серызе, почеламутчо, кусарыше.
- 1937 — Сергей Чавайн, марий серызе, почеламутчо, СССР Серызе-влак ушемын йыжъеҥже (1934), марий сылнымутлан негызым пыштыше, икымше марий почеламутым возышо, «Элнет» романын авторжо.
- 1937 — Шабдар Осып, марий серызе, почеламутчо, драматург, литератур критик, публицист, туныктышо, СССР Серызе-влак ушемын йыжъеҥже (1934).
Калык пале
[тӧрлаташ | кодым тӧрлаташ]Авраамий да Анастасия-влакын кечышт. Тиде кече кÿтÿчö-влакын пайремыштлан шотлалтын: нуным уло ял дене сийленыт. А Шнуй Авраамий ден Анастасия деч шорык таза лийже манын йодын кумалыныт.
|
11 кылме Викиклатыште? |
|---|