Петров, Александр Алексеевич

Википедий — эрыкан энциклопедий гыч материал
Перейти к навигации Перейти к поиску
Александр Алексеевич Петров
Александр Петров
Шочмаш дене лӱм:

Александр Алексеевич Петров

Тыршымаш алан:

серызе, почеламутчо, журналист, драматург

Шочын:

1967 ий 26 ага(1967-05-26) (52 ий)

Шочмо вер:

РСФСР, Марий АССР, Кужэҥер кундем, Кожласола ял

Гражданство/Подданство:

Совет Ушем Совет Ушем
Россий Россий

Чап пӧлек да премий:

Марий Эл Республикын сулло журналистше, Марий Эл Республик Кугыжаныш Погынын Чапкагазше, Марий Эл Республик Виктерын Чапкагазше, Марий Эл Республикын Тӱвыра, савыктыш да калык паша шотышто министерствын Чапкагазше, Россий Федераций Президентын Юл кундемысе федеральный округышто Полномочный представительжын Чапкагазше, Россий Федераций Тӱвыра министрын Таумутшо, Марий Эл Республикын Тӱвыра, савыктыш да калык паша шотышто министерствын "Калык верч тыршымаш" чап тамгаже, «Йыван Кырля 1909—2009» шарнымаш медаль

Александр Петров (Александр Алексеевич Петров) (1967 ага 26, РСФСР, Марий АССР, Кужэҥер кундем, Кожласола ял) — марий серызе, почеламутчо, журналист, драматург, Россий Журналист-влак ушемын йыжъеҥже, Россий Серызе-влак ушемын йыжъеҥже, Марий Эл Республикын сулло журналистше.

Илыш корныжо[тӧрлаташ | вики-текстым тӧрлаташ]

Александр Петров 1967 ийын ага тылзын 26-шо кечынже Марий АССР Кужэҥер кундемысе Кожласола ялеш кресаньык ешеш шочын.

Тунеммаш[тӧрлаташ | вики-текстым тӧрлаташ]

Кугу Лаждӱрысӧ да Йӱледӱрысӧ школлаште тунемын. 1984 ийыште Марий кугыжаныш университетыш кӱшыл шинчымашым погаш пурен, кок пытартыш курсым заочно тунем пытарен. Историк специальностьым налын.

Паша[тӧрлаташ | вики-текстым тӧрлаташ]

Паша корныжым 1989 ийыште Шернур комсомолын райкомыштыжо тӱҥалын, вара РОНО-н методистшылан тыршен. 1992-1994 ийлаште Куженер кундемыште фермер озанлыкым вуйлатен. Ялозанлык деч вара вигак журналист пашашке куснен. «Марий Эл» газет, «Марий Эл» ГТРК-ште пашам шуктен. 2004 ийыште Александр Петровым «Кугарня» газетын директор-тӱҥ редакторлан шогалтеныт. 2009 ий гыч Петров А.А. Кугыжаныш Погын Вуйлатышын пресс-секретарьжылан тырша.

Усталык паша[тӧрлаташ | вики-текстым тӧрлаташ]

Эше школыштак тунеммыж годым возгалаш тӱҥалын. Икымше почеламутшо теле нерген ыле, тыгакак лӱмдалтын («Теле»), тудым "Ямде лий" газетыште 1980 ийыште савыктеныт. МарКУ-што тунеммыж годым марий калыкын эртыкшым шымлаш кумылаҥын, тиде варажым усталык пашаштыже кугу кышам коден. Икымше почеламут да поэме книгажым автор "Марий улам - чонем марий" лӱмден (2003). Ятыр почеламутшо Таллиныште савыктыме "Kuum ОО" (2006), "Sest olen" (2012), "Дуб предков" (2008) финн-угор поэзий антологийлаште, "Мотивы родной стороны" (2012) поэзий сборниклаште, тыгак марий сылнымутчо-влакын "Эрвий" алманахыштыже 2007, 2008, 2009, 2010, 2011, 2012, 2013 ийлаште савыкталтын. 2017 ийыште йоча-влаклан возымо "Изи кӱтӱчӧ" манын лӱмдымӧ ойлымаш-влак книгаже ош туням ужын. Марий самырык театр 2000 ийыште "Пиал дек кайыме корно" пьесыж почеш спектакльым шынден. Варажым тиде театрыштак драматургын "Адак омсашке тӱкалат" (2005), "Пупкин ӱдырым налеш" комедий-фарсше-влак почеш, "Вашлий мыйым, Шочмо Элем!" (2010) драмыж почеш спектакльым шынденыт. 2005 ийыште Майоров-Шкетан лӱмеш марий кугыжаныш драме театр Александр Петровын «Кронуш» историй легендыж почеш постановкым шынден. 2017 ийыште Александр Петровын Зинаида Долгова дене пырля возымо "Кунам толат, авай?" драмыже почеш спектакль Йоча ден самырык-влаклан республиканский театр-рудерын (Марий самырык театр) сценыштыже шындалтын. Кумло наре муро текстын авторжо. Нунын кокла гыч "Йоча жапем", "Памаш кувар воктене", "Каем", "Мондо мыйын лумем", "Ондалчык йоратымаш", "Ош имнет ден налаш тол", "Элнет энер покшелнет" муро-влакым палемдаш лиеш.

Тӱвыра, печать да калык-влак пашаш шотышто министерствын, Марий Эл Республикын правительствыжын, Марий Эл Республикын Кугыжаныш Погынын чап танык-влак дене палемдалтын.

Тӱҥ произведенийже-влак[тӧрлаташ | вики-текстым тӧрлаташ]

  • Пиал дек кайыме корно: муз. комедий // Ончыко. 2001. № 3. С. 86—121.
  • Марий улам — чонем марий : почеламут-вл., поэме [Душа моя марийская : стихи, поэма]. Йошкар-Ола, 2003. 92 с.
  • Кугезе сугынь ; Марий улам : почеламут-вл. // Мурйогын : почеламут аршаш. Йошкар-Ола, 2003. С. 45—47.
  • «Ӱжаран ал тӱсшӧ дене мурсемем тӱрлем...» : почеламут-вл. // Ончыко. 2002. № 1Е С. 124—130.
  • Кронуш : легенде // Ончыко. 2006. № 2. С. 28—88.
  • Пупкин ӱдырым налеш : фарс // Ончыко. 2006. № 4. С. 123—180.
  • Адак омсашке тӱкалат : фарс // Кызытсе марий пьесе. Йошкар- Ола, 2007. С. 157-227.
  • Изи кӱтӱчӧ : йоча ойлымаш-влак // (Пастушок: рассказы для детей). Йошкар-Ола, 2017.38 с.

Театр постановкыжо-влак[тӧрлаташ | вики-текстым тӧрлаташ]

  • Пиал дек кайыме корно [Дорога к счастью : драма]. (МТЮЗ) 2000.
  • Адак омсашке тӱкалат [Опять стучатся в дверь : фарс]. (МТЮЗ) 2002.
  • Пупкин ӱдырым налеш [Пупкин женится : фарс]. (МТЮЗ) 2005.
  • Кронуш : легенда. (Мар. театр) 2005.
  • Вашлий мыйым, Шочмо элем! (Встречай меня, Родина!) (МТЮЗ) 2010.
  • Кунам толат, авай? (Найди меня, мама) (МТЮЗ) 2017.

Илышыже да творчествыже нерген литератур[тӧрлаташ | вики-текстым тӧрлаташ]

  • «Пьесе-влакым кажне номерыште ужмо шуэш...» : интервью // Ончыко. 2001. № 3. С. 84-85.
  • Абукаев-Эмгак В. Кумдыкеш марий // Кугарня. 2003. 19 сент.
  • Мо эртен, тудо кыша огыл: интервью // Ончыко. 2006. № 2. С. 24—27.
  • Бурков Л. Ожнысо илышын вӱршерже //Ончыко. 2007. № 4. С. 170—179.
  • Николаева Н. «Марий улам, марий чонемже...» // Ончыко. 2007. №8. С. 178-182.

Чап[тӧрлаташ | вики-текстым тӧрлаташ]

Кылвер-влак[тӧрлаташ | вики-текстым тӧрлаташ]

Литератур[тӧрлаташ | вики-текстым тӧрлаташ]

  1. Писатели Марий Эл: биобиблиографический справочник / сост.: А.Васинкин, В.Абукаев и др. — Йошкар-Ола: Марийское книжное издательство, 2008. — 752 с. С. 491-492.