Кӱчыкэҥер (Шернур кундем)

Ял Кӱчыкэҥер рушла Кучукенер Эл РоссийРоссий Регион Марий ЭлМарий Эл Кундем Шернур Ял илымвер Кугэҥер Координат-влак 56.901944, 49.16916756°54′07″ с. ш. 49°10′09″ в. д.56.901944° с. ш. 49.169167° в. д.  (Я) Икымше гана палемдыме 1802 Калыкчот ▲70 еҥ (2010) Калык-влак марий Инаныше-влак чимарий, танле Шагат ӱштӧ UTC+3 Телефон код +7 83633 Почто индекс 425459 Автомобиль код 12 Код ОКАТО 88 248 855 005 Кӱчыкэҥер Моско Россий Кӱчыкэҥер Йошкар-Ола Марий Эл

Тиде мутын вес ыҥже-влак улыт. Кӱчыкэҥер ончал.

Кӱчыкэҥер (рушла Кучукенер) — Российыште Марий Элын Шернур кундемыштыже верланыше Кугэҥер ял шотан илемыш пурышо ял. Калыкчот: 65 еҥ (2005 ий), 70 еҥ (2010 ий).

Верланыме вер

Кугэҥер ял деч 4 километр йӱдвел-касвел могырно верланен.

Ял лӱм

Ялын лӱмжӧ ушымо кок марий мут гыч лектын: «кӱчык» + «эҥер» = «кӱчыкэҥер».

Эртымгорно

Документ почеш 1802-шо ийыште тиде ял нерген икымше гана ойлалтеш. Пел курым эртымеке, ялыште 116 еҥ илен.

1932-шо ийыште «У шурно» колхозым почмо. Икымше председательлан Кутузовым сайленыт.

Фронтыш 34 еҥ каен, 16 патыр пӧртылын огытыл.

1947-ше ийыште ялышке радиом, 1965-ше ийыште электром пуртымо. 1950-ше ий июльышто «У шурно» «Чевер ӱжара» колхоз дене ушнен.

Лӱмлӧ еҥ-влак

• Константин Коршунов — марий серызе, актёр, драматург, режиссёр, СССР Cерызе-влак ушемын йыжъеҥже (1969), Марий АССР-ын сулло артистше (1960), РСФСР-ысе тӱвыран сулло пашаеҥже (1979), Марий АССР-ысе Кугыжаныш премийын лауреатше (1985).
• Молотов Иван Николаевич — марий семлызе, кокымшо марий «Элнет» оперын серышозаже.

Кылвер-влак

• Деревня Кучукенер (Кугу-Энер, Кучу-Энер, Кӱчыкэҥер, Короткая Речка).

Литератур

1. История сел и деревень Республики Марий Эл. Сернурский район: Сборник документальных очерков. — Йошкар-Ола: Комитет Республики Марий Эл по делам архивов, Государственный архив Республики Марий Эл, администрация муниципального образования «Сернурский район», 320 с., ил. 2006 г. С. 39.