Речкин, Александр Сергеевич

Википедий — эрыкан энциклопедий гыч материал
Александр Сергеевич Речкин
Александр Речкин
Александр Речкин 3 Ӱярня 2017 ийыште. П. Васильевын фотожо.
Александр Речкин 3 Ӱярня 2017 ийыште.
П. Васильевын фотожо.
Шочын 1980 ий 8 сорла(1980-08-08) (43 ий)
Шочмо вер Марий АССР, Курыкмарий кундем
Эл
Тыршымаш алан мурызо
Йоча-влак Александр эрге
Чап пӧлек да премий
Логотип Викисклада Медиафайлы на Викискладе
Александр Речкин Наташа Пушкина дене сценыште.
П. Васильевын фотожо.

Александр Речкин (Александр Сергеевич Речкин,1980 сорла 8, Марий АССР, Курыкмарий кундем) — марий мурызо, Марий Эл Республикысе Олык Ипай лӱмеш Кугыжаныш самырыктукым премийын лауреатше (2008).

Илыш корно[тӧрлаташ | кодым тӧрлаташ]

Александр Речкин икымше профессионал марий видеоклипым лукшылан шотлалтеш, марий мурызо-влак коклаште икымше лицензийан соло DVD-дискше лектын. «Полярная звезда» группын ончычсо да «Речкин-бэнд» группын кызытсе солистше. Йӱк — тенор.

Еш[тӧрлаташ | кодым тӧрлаташ]

Музык ешыште шочын. Ачаже Речкин Сергей Владимирович Йошкар-Олаште кумдан палыме баянист, У Торъял кундемыште шочын, аваже Ангелина Сионьевна сымыктыш школын директоржо, Курыкмарий кундем гыч. Сергей Владимирович ден Ангелина Сионьевна музык училищыште пырля тунемме годым палыме лийыныт, тунемын пытарыме деч вара ешым чумыреныт. Кужерысе музык школышто туныктеныт. Икымянр жап гыч Александр шочын. Речкинмыт еш Йошкар-Олаш пӧртылын, аваже йочасадыште, ачаже «Гармонь» ансамбыльште пашам ышташ тӱналын, вара «Калинушка» калык коллективым да пооупроводникым ыштыше заводын хоржым вуйлатен.

Изинек Сашам да ешыште моло ишкыве-влакымат (шольыжо Сергей да шӱжарже Надежда) музык деке, сценыште шкем кучаш кумылаҥденыт.

2000-ше ийлаште Александрын эргыже шочеш. Эргылан Саша лӱмым пуымо. Александр шкеже Нижневартовск олашке илаш кусна, тушто тӱвыра аланыште тырша, южгунам Марий Элыште, Пошкырт Элыште концертлаште шуаралтеш. 2016 ийыште Александр Речкин угыч Марий Элышке пӧртылеш.

Тунемме паша[тӧрлаташ | кодым тӧрлаташ]

1987 ийыште Александр 2 номеран школышто шинчымашым погаш тӱҥалын, туштак рвезе шкенжым усталык шотышто талын ончыктен.

1990 ийыште Александр 18 номеран эксперимент школ-комплексыште, кызыт туныктыш рӱдерыште, шинчымашым погаш тӱҥалын. Аваже тыште эн ончыч музык школышто завуч, а вара вуйлатыше лиеш. Тиде школышто Александрын ачаж ден аваже Сашан классше негызеш «Узоры» фольклор ансамбльым чумырат. Ансамбль «Пампалче» фольклор конкурсышто лауреат лийын, а Саша шкет мурымыж дене гран-прим сеҥен. Тыгак Александр «Хрустальный башмачок» телевиденийысе конкурсышто мурен, лауреат лийын.

Школым пытарымеке, Александр Речкин 1997 ийыште Марий Кугыжаныш педагогик институтын историй-филологий факультетыштыже тунемаш тӱҥалын, тидын дене пырля тӱвыра да сымыктыш колледжыш эстада пӧлкаш пурен. Влад Николаев, Эльвира Попова, Светлана Зыкова, варарак Эльвира Токташева, Роза Искакова дене пырля шинчымашым поген.

Тӱвыра паша[тӧрлаташ | кодым тӧрлаташ]

  • Усталык пашаш утларак ушнаш Александрлан «Марий Элын самырык талантше-влак-98» конкурс шӱлышым пуэн. Тиде конкурсышто Александр «Шеренур Шернур» мурым йоҥгалтарымыжлан кокымшо верым сеҥен налын, жюри председатель Андрей Эшпайын моктеммутшым сулен. Тидак марий мурым мураш тӱҥалтышым пуэн манаш лиеш.
  • 1998 ийыште Александр республикыште палыме «Полярная звезда» группышто пашам ышташ тӱҥалын, 5 ий мурен. Группа Москошто пашам ыштен, 3 альбомым луктын. Тиде жапыштак Александр Саратов олаште эртыше «Юта-2000» самырык эстрада мурызо-влакын тӱнямбал конкурсышто лауреат лийын. 2002 ийыште Александр «Полярная звезда» группа гыч каен, Йошкар-Олашке пӧртылын. Шкетын мураш тӱҥалын, школышто туныктен.
  • 2004 ийыште Эрик Сапаев лӱмеш опер да балет театрыште солистлан пашам ышташ тӱҥалын. Спектакльлаште тӱҥ роль-влакым модын. Тиде жапыште Валентин Сергеев, сымыктышыште кумдан палыме еҥ, администратор Александрлан ик арнялан Башкирийыш марий репертуар дене каяш темлен. Александрын марла мурымыжо калыклан келшен, садланак «Ныжыл лыве» альбомлан ситыше муро-влак погыненыт. «Ныжыл лыве» муро дене клипым ыштеныт. Альбом 2006 ийыште лектын.
  • 21 декабрьыште Александр Речкинын «Мый шижам йӧратет» икымше шоу-концертше лийын, а тудын негызеш DVD лектын.
  • 2016 ийыште Марий Элыш пӧртылмеке «Речкин-бэнд» инструментальный группым чоҥа, шкеже солист лиеш.

Муро-влак[тӧрлаташ | кодым тӧрлаташ]

  • РЕЧКИН Александр ЮШКИНА Ирина — Лийжы со яратымаш.
  • РЕЧКИН Александр — А тыды со омынеш каеш.
  • РЕЧКИН Александр — Йодам ал кенежым.
  • РЕЧКИН Александр — Йудымсо рапсодий.
  • РЕЧКИН Александр — Каласе тый мылам.
  • РЕЧКИН Александр — Кенеж йуд.
  • РЕЧКИН Александр — Лийжы со яратымаш.
  • РЕЧКИН Александр, ИБУЛАЕВ Алексей, ПРОТАСОВ Вадим — Ме марий улына.
  • РЕЧКИН Александр — Мый шижам йоратет.
  • РЕЧКИН Александр — Ныжыл лыве.
  • РЕЧКИН Александр — Ойлат вучаш.
  • РЕЧКИН Александр — Пошкудо удыр.
  • РЕЧКИН Александр — Роза — Розмари.
  • РЕЧКИН Александр — Снеге пеледеш.
  • РЕЧКИН Александр — Сылне шошо.
  • РЕЧКИН Александр — Такмак-влак.
  • РЕЧКИН Александр — Таче тыгай мотор касше.
  • РЕЧКИН Александр — У ий дене.
  • РЕЧКИН Александр — Удыр дене рвезе.
  • РЕЧКИН Александр — Шанавыл.
  • РЕЧКИН Александр — Шеренур Шернур.
  • РЕЧКИН Александр — Шоно я ит шоно.
  • РЕЧКИН Александр — Яратым ыдырем