Николаев, Владислав Алексеевич

Википедий — эрыкан энциклопедий гыч материал
(Колтымо Влад Николаев гыч)
Влад Николаев
Владислав Алексеевич Николаев
Тыршымаш алан:

мурызо, семлызе, бард

Шочын:

1970 ий 14 сӱрем(1970-07-14) (47 ий)

Шочмо вер:

Пошкырт Эл Мишкан кундем

Гражданство/Подданство:

Россий Россий

Владислав Алексеевич Николаев, калыкыште Влад Николаев семын палыме (1970 сӱрем 14) — марий мурызо, семлызе, бард, Марий Эл Республикысе тӱвыран сулло пашаеҥже.

Илыш корно[тӧрлаташ | вики-текстым тӧрлаташ]

14 июль 1970-ше ийыште Пошкырт Элысе Мишкан кундемысе Озерки ялеш шочын. 1996-1997 ийлаште Калтаса селасе РДК-те художественный вуйлатышылан тыршен. Творческий корныжо 1997 ийыште тӱҥалын. Тиде ийынак «Чолман йӱк» фестивальын дипломантше лиеш. 1997 ийыште республикысе Тӱвыра да сымыктыш колледжыш эстраде отделенийыш тунемаш пура.

Тунемме жапыштак Я.Эшпай лӱмеш филармонийыште пашам ышташ тӱҥалеш. 1999 ийыште регион кокласе «Ший памаш» фестивальын Гран-прим сеҥен налеш. 2001 ийыште Тӱвыра да сымыктыш колледжым артист-вокалист, эстрадный ансамбльым вуйлатыше специальность дене тунем пытара да Искандаров лӱмеш марий капеллыште пашам ышташ тӱҥалеш. 2004 ийыште Марий тӱвыра рӱдер пелен марий «Югорно» бард клубым чумыра. 2005-2010-шо ийлаште Шке семын мурышо-шоктышо-влакын «Югорно» мер организацийын Президентше.

Чапым сулымаш[тӧрлаташ | вики-текстым тӧрлаташ]