3 сӱрем

Википедий — эрыкан энциклопедий гыч материал
(3 Сӱрем гыч колтымо)
сӱрем
Шч Кш Вр Из Кг Шм Рш
1 2 3 4 5 6 7
8 9 10 11 12 13 14
15 16 17 18 19 20 21
22 23 24 25 26 27 28
29 30 31        
             
2024 ий

3 сӱрем (3 июль) — григориан кечышот почеш идалыкын 184-ше (кужемдыме ийлаште — 185-ше) кечыже. Идалык пытыме марте 181 кече кодеш.

Пайрем да памятный дате-влак[тӧрлаташ | кодым тӧрлаташ]

Лӱмгече[тӧрлаташ | кодым тӧрлаташ]

  • Католик лӱм-влак: Анатолий, Гиацинт, Фома.
  • Танле (православный) лӱм-влак: Андрей, Глеб, Инна, Лука, Наум, Римма, Фома.

Событий-влак[тӧрлаташ | кодым тӧрлаташ]

Тугак ончо: Категорий:Сӱрем тылзын 3 кечысе событий-влак

  • 1885 — Карл Бенц шке ыштыме икымше автомобильым испытанийыш луктын.

Марий тӱняште[тӧрлаташ | кодым тӧрлаташ]

  • Тиде кечын Йошкар-Олаште икымше аэроклубым почыныт.
  • 1944 — Марий радиомеханик техникум почылтын.

Шочыныт[тӧрлаташ | кодым тӧрлаташ]

Тугак ончо: Категорий:Сӱрем тылзын 3 кечынже шочшо-влак

  • 1926Нинель Александровна Константинова, Россий Федерацийын сулло артисткыже. Санкт-Петербургышто шочын. Кундемнан моткоч пагалыме артист Георгий Константиновын пелашыже. Тудат Руш академ театрыште актрисылан ӱмыржӧ мучко тыршен: 50 утла рольым устан чоҥен, кудышт коклаште Эдит Пиафын, Гелян, Айседора Дунканын рольыштым поснак палемдыман. Образын койыш-шоктышыжым чон дене шижын модын моштен. Тидлан, мутат уке, калык пагалымашым сулен.
  • 1931Борис Сергеевич Пушков, марий живописец. Пейзажым сӱретлымыж ден марий сӱрет тӱняште икымше профессионаллан шотлалтеш. «Марий сӱретче» ушемын чолга еҥже. «За молодых!» да «Песня» триптихлан кугыжаныш премий дене палемдалтын. Пашаже-влак Москосо, Ижевскысе, Озаҥысе, Йошкар-Оласе ончерлаште лийыныт.
  • 1943 — Аркадий Александрович Степанов, Россий Федераций транспортын сулло пашаеҥже. Шкеже Провой кундем Нуктуж ял гыч. 20 ий наре Звенигово районысо автотранспорт ушемыште автобус виктарышылантыршен, а вара тыштак апшат сомылым шукташ тӱҥалын.
  • 1949Рашида Апатеева, рушла возышо суас серызе, почеламутчо, туныктышо.
  • 1959Ангелина Сионьевна Речкина, мурызо, Марий Эл Республикысе сымыктышын сулло пашаеҥже. Курыкмарий кундемын шочшыжо Бауман лицей пелен «Лира» сымыктыш школым вуйлата.

Коленыт[тӧрлаташ | кодым тӧрлаташ]

Тугак ончо: Категорий:Сӱрем тылзын 3 кечынже колышо-влак

Калык пале[тӧрлаташ | кодым тӧрлаташ]

  • Православийыште таче Мефодийын кечыже палемдат. Пасулаште пулдырчын йӱкшӧ шокта. Шурно шуэш – маныт. Ты кечын калык палымат эскереныт: пӧрт вуйышко тумна толын шинчеш гын – пожарлан.
  • Таче Мланде Юмын ош кече йыр туран савырныме кечыже. Марий-влак тиде кечын игечым эскереныт: таче могай игече шога, тугаяк игечым шудым солымо да уржа-сорла пагытлан вучыман.