Пушков, Борис Сергеевич

Википедий — эрыкан энциклопедий гыч материал
Перейти к навигации Перейти к поиску
Борис Сергеевич Пушков
Тыршымаш алан:

сӱретче

Шочын:

1931 ий 3 сӱрем(1931-07-03) (88 ий)

Шочмо вер:

Можга

Гражданство/Подданство:

Россий

Борис Сергеевич Пушков (1931 сӱрем 3) — сылнысӱретче, Удмурт Республикысе Можга олаште 1931 ий 3 Сӱрем тылзыште шочын. 19471949 ийлаште Озаҥ художественный училищыште уш-акылжым пойдарен. 1961 ий гыч — Россий сӱретче ушемын йыжъеҥже. 19691972 да 19741975 ийлаште Борис Сергеевич Марий республикысе сӱретче ушем правленийым вуйлатен. 1972 ий гыч 1977 ий марте Россий сӱретче ушем правлений йыжъеҥлан да Россий сӱретче ушемын сылнысӱрет комиссийжым йыжъеҥлан сайлалтын. Станковый сылнысӱрет — сӱретчын тӱҥ паша шӱлышыжӧ. Пушковын картиныже-влакым Саранскыште, Озаҥыште, Ижевскыште, Венгрийысе Ваш олаште эртыше выставкылаште ончыктымо.

Тӱҥ произведенийже-влак тыгай улыт: "Приволжье" (1959), "Над Волгой" (1961), "Мамаев курган" (1965), "Песня" триптик (1970), "Марийский край" (1981), "Вечер на трассе. Волга", "Зимний лес" (1985).

Борис Сергеевич Пушков — Марий Эл сымыктышын сулло пашазе, республикысе Кугыжаныш премийын лауреатше. Тудо Йошкар-Олаште ила.

Негыз[тӧрлаташ | вики-текстым тӧрлаташ]

  • Ончыко 2000 № 2.