23 Вӱдшор

Википедий — эрыкан энциклопедий гыч материал
Вӱдшор
Шч Кш Вр Из Кг Шм Рш
          1 2
3 4 5 6 7 8 9
10 11 12 13 14 15 16
17 18 19 20 21 22 23
24 25 26 27 28 29 30
             
2017 ий

23 вӱдшор (23 апрель) — григориан кечышот почеш идалыкын 113-шо (кужемдыме ийлаште — 114-ше) кечыже. Идалык пытыме марте 252 кече кодеш.

Пайрем да памятный дате-влак[тӧрлаташ | вики-текстым тӧрлаташ]

  • Вӱдщор тылзын коло кумшо кечынже книган да автор праван тӰнямбалсе кечыже палемдалтеш. 1996-ше ийыште тиде пайрем нерген ЮНЕСКО увертарен.
  • Бермуд Отро-влак Бермуд Отро-влак — Перец кече
  • Немыч Эл Немыч Эл — Немыч сыран кечыже
  • Испаний Испаний — Сан-Хорхе (Шнуй Георгийын кечыже)
  • Турций Турций — Кугыжаныш Суверенитетын да Йоча-влакын кечыже
  • Украина Украина — Психолог кече

Лӱмгече[тӧрлаташ | вики-текстым тӧрлаташ]

  • Танле (православный) лӱм-влак: Наталия, Александр, Африкан, Зенон, Максим, Григорий, Терентий, Фёдор, Яков.
  • Католик лӱм-влак: Адальберт (Войтех), Юрий.

Событий-влак[тӧрлаташ | вики-текстым тӧрлаташ]

Тугак ончо: Категорий:Вӱдшор тылзын 23 кечысе событий-влак

  • 1836 ий — Санкт-Петербург олаште «Современник» журналын икымше номерже лектын.
  • 1951 ий — Совет Ушемыште олимпий модмашын комитетшым пеҥгыдемдыме.
  • 1964 ий — «Мелодия» граммофон пластинкым лукшо фирмым почмо.

Шочыныт[тӧрлаташ | вики-текстым тӧрлаташ]

Тугак ончо: Категорий:Вӱдшор тылзын 23 кечынже шочшо-влак

  • 1932 ий — Сарра Степановна Кириллова, режиссёр, Марий Эл Республикысе сымыктышын сулло пашаеҥже, Марий Эл Республикын калык артистше. Тиде талантан айдемын профессийым ойрымаште кугу рольым аваже Анастасия Гавриловна Страусова модын. Да паша корныжат Шкетан лӱмеш драмтеатрыште тӱҥалын: ончыч актрисалан, а вара тӱҥ режиссёрлан тыршен. 13 ий режиссёрлан пашам ыштыме жапыште 30 утла спектакльым шынден, калык ончыко луктын. А 1975-ше ийыште Миклай Рыбаковын «Морко сем» драмыжым шындымылан кугыжаныш премий дене палемдалтын.
  • 1937 ий — Александр Васильевич Селин (Селедкин), марий почеламутчо, Марий Эл Республикысе тӱвыран сулло пашаеҥже. шочмыжлан – 76 ий. Калыкыште тудым Александр Селинын чын лӱмжӧ — Александр Васильевич Селёдкин. Шочмо верже — Юлсер кундемысе Пӧртанур ял.
  • 1939 ий — Роза Платоновна Четкарева, туныктыш пашаеҥ да шанче-эмлызе, Марий Эл Республикын сулло шанчыеҥже шочын. Ончыч Йошкар-Оласе эмлымверыште пашам ыштен, а 1978-ше ийыште Марий кугыжаныш педагогик институтын медподготовка кафедрыштыже тыршаш тӱҥалын. Тыште тудо кугурак туныктышо, доцент, а лу ий гыч кафедрын вуйлатыше лийын. Тӱҥ шотышто Роза Платоновна калык медициным шымлен. 60 утла шанче пашан авторжо.
  • 1921 ий — Анатолий Иванович Бабин, уста пашазе. Маскасола посёлкышто шочын. Кугу Авамланде сарын корныжым эртымек, заводышто рационализаторлан 40 ий наре тыршен. 1963-1967-ше ийлаште Россий Федерацийысе кӱшыл погынын депутатше лийын. Тудын героизм шӱлышыжым да суапле пашажым кӱкшын акленыт: Йошкар Шӱдыр орден дене да ятыр чап танык дене палемденыт.
  • 1958 ий — Нина Ильинична Донгузова, актриса, Марий Эл Республикын калык артисткыже. У Торъял кундемын талантан шочшыжо 20 ияш годымжак Курчак театрын сценыштыже модаш тӱҥалын. «После дождичка…» спектакльыште тӱҥ рольым устан модмыжлан кугыжаныш премий дене палемденыт.
  • 1938 ий — Константин Константинович Калинин, чодыра озанлык пашаеҥ, Марий Эл Республикын сулло чодыразыже палемда. Икмыняр жап чодыра озанлык ушемыште пашам ыштымек, Марий кугыжаныш техник университетышке толын да тыште ял озанлык шанче доктор марте кушкын.

Коленыт[тӧрлаташ | вики-текстым тӧрлаташ]

Тугак ончо: Категорий:Вӱдшор тылзын 23 кечынже колышо-влак

Калык пале[тӧрлаташ | вики-текстым тӧрлаташ]

Терентийын кечыже. Кече лекме годым тыгай калыкпалым эскереныт: тудо тÿтыра кокла гыч лектеш гын — кинде сайын шочеш. Мÿндыр корныш тарванаш тыршен огытыл: шошо корно тöрланен шуктен огыл — маныныт.