Марий Эл Республикысе сымыктышын сулло пашаеҥже

Википедий — эрыкан энциклопедий гыч материал
Перейти к навигации Перейти к поиску

Марий Эл Республикысе сымыктышын сулло пашаеҥже (рушла Заслуженый деятель искусств Республики Марий Эл) — чап лӱм, Марий Эл Республикын кугыжаныш наградыже. 1939 ий 27 сорлаште лекше МАССР Кӱшыл Каҥаш Президиумын Кӱштыкшӧ почеш негызлыме.

Кӧлан пуалтеш[тӧрлаташ | вики-текстым тӧрлаташ]

Устан пашам ыштымылан артист, режиссёр, балетмейстер, дирижёр, хормейстер, семвозышо, драматург, сӱретче, архитектор, дизайнер, искусствовед да моло тӱвыра пашаеҥ-влаклан пуалтеш. Ты годым тӱвырашке тиде паша кугу надырым пыштышаш але шанче шымлымаш эртаралтшаш. Чап лӱмым налше айдеме сымыктыш аланыште 15 утла пашам ыштышаш.

Кызыт Марий Эл Республик Вуйлатыше тиде чап лӱмым пуа. Удостоверений ден оҥ тамгам кучыктат. 2008 ий 1 сӱремлан 117 еҥ тиде чап лӱмым налын.

Тугак ончо[тӧрлаташ | вики-текстым тӧрлаташ]