20 пеледыш

Википедий — эрыкан энциклопедий гыч материал
(Колтымо 20 Пеледыш гыч)
Пеледыш
Шч Кш Вр Из Кг Шм Рш
      1 2 3 4
5 6 7 8 9 10 11
12 13 14 15 16 17 18
19 20 21 22 23 24 25
26 27 28 29 30    
             
2017 ий

20 пеледыш (20 июнь) — григориан кечышот почеш идалыкын 171-ше (кужемдыме ийлаште — 172-шо) кечыже. Идалык пытыме марте 194 кече кодеш.

Пайрем да памятный дате-влак[тӧрлаташ | вики-текстым тӧрлаташ]

Лӱмгече[тӧрлаташ | вики-текстым тӧрлаташ]

Пеледыш тылзын колымшо кечынже Валерия, Мария, Анимаиса – влакын лӱм кечышт.

Событий-влак[тӧрлаташ | вики-текстым тӧрлаташ]

Тугак ончо: Категорий:Пеледыш тылзын 20 кечысе событий-влак

  • 1933 — Марий радио икымше гана эфирыш лектын.
  • 1837Британийын кугыжаже Королева Виктория лийын.
  • 1945Москва олаш Сеҥымаш Знамям конденыт. Тудо рейхстагыште кечен.

Шочыныт[тӧрлаташ | вики-текстым тӧрлаташ]

Тугак ончо: Категорий:Пеледыш тылзын 20 кечынже шочшо-влак

  • 1896 — Илья Михайлович Токмурзин, писатель, педагог, Удмурт Республикын сулло туныктышыжо. Калыкыште тудым Илья Ломберский лӱм дене палат.
  • 1909Пётр Григорьевич Першуткин (Пет Першут), курыкмарий серызе, почеламутчо.
  • 1950Силантий Сатеевич Сабитов, туныктыш да шанче пашаеҥ, фольклорист, Марий Эл Республикысе туныктымашын сулло пашаеҥже. Кӱшыл шинчымашым Марий кугыжаныш университетыште налын, 1990 ий гыч тыштак паша вержым муын. Финно-угор тӱнясе калык-влакын фольклорыштым, сылнымутыштым келгын шымлен, «Марий йомак-влак» да «Айста муралтена» сборник-влакым савыктен. Филологий шанче кандидат.
  • 1958 — Лариса Григорьевна Смирнова, йоча да самырык-влак ушем вуйлатыше. Ончыч пионер ушемым вуйлатен, а 1992 ий гыч «Эр вий» ушемын вуйлатышыжлан шогалын. Лариса Григорьевна 2 ий виктер вуйлатышын алмаштышыже лийын.
  • 1960 — Лариса Леонидовна Михайлова, куштылго атлетик дене Марий Эл Республикын чемпионкыжо, Европа кубкын сеҥышыже, тӱнямбалсе 10 эн сай куржталше радамыш логалын. Россий спорт мастер. Йошкар-Олаште шочын. 11 ияш годымжак куштылго атлетик дене кылым кучаш тӱҥалын. Ленинградыш илаш куснымеке, тусо сборныйышке логалын. 1999 ийыште Россий кӱкшытыштӧ эртаралтше чепионатлаште сеҥыше радамыш логалын.
  • 1963 — Юрий Николаевич Ямбатров, кугыжаныш пашаеҥ. Кужэҥер кундем Чодыраялыште шочын. 2000 ий гыч тудо Куженер кундемысе погынын депутатше лийын.
  • 1960Алевтина Александровна Крылова, марий мурызо. Шочын Морко кундем Никольский ялеш. 1980 ийыште Искандаров лӱмеш капеллын хор солисткыже лийын.

Коленыт[тӧрлаташ | вики-текстым тӧрлаташ]

Тугак ончо: Категорий:Пеледыш тылзын 20 кечынже колышо-влак

Калык пале[тӧрлаташ | вики-текстым тӧрлаташ]

  • Федотын кечыже. Ты кечын ерлаште да эҥерлаште йӱштылаш лӱдман огыл. Вӱдысӧ осал вий ты кечын кана, маныт. Марий калык гын вӱд осаллан Вӱд иям шотла. Тудо айдемылан ӱдырамаш семынат, пӧръеҥ семынат конча. Марий мифологий почеш тудо кӱдырчӧ деч чот лӱдеш.
  • Таче Мланде шочмо кече. Тиде кечын мланде пашам огыт ыште, эсогыл презым вураҥлаш меҥгымат тиде кечын мландышке огыт кыре.