18 шыжа

Википедий — эрыкан энциклопедий гыч материал
(Колтымо 18 Шыжа гыч)
Шыжа
Шч Кш Вр Из Кг Шм Рш
            1
2 3 4 5 6 7 8
9 10 11 12 13 14 15
16 17 18 19 20 21 22
23 24 25 26 27 28 29
30 31          
2017 ий

18 шыжа (18 октябрь) — григориан кечышот почеш идалыкын 291-ше (кужемдыме ийлаште — 292-шо) кечыже. Идалык пытыме марте 74 кече кодеш.

Пайрем да памятный дате-влак[тӧрлаташ | вики-текстым тӧрлаташ]

Лӱмгече[тӧрлаташ | вики-текстым тӧрлаташ]

Шыжа тылзын латкандашымше кечынже Алексей, Григорий, Матвей, Филипп – влакын лӱмгечышт.

Событий-влак[тӧрлаташ | вики-текстым тӧрлаташ]

Тугак ончо: Категорий:Шыжа тылзын 18 кечысе событий-влак

  • 1867 — Аляскам Америкылан ужалыме.
  • 1947 — Капустин Яр полигонышто икымше баллистический ракетым южыш колтымо.
  • 1978 — Анатолий Карпов да Виктор Корчный коклаште шахмат турнир мучашлалтын. Тудо 3 тылзе шуйнен.

Марий тӱняште[тӧрлаташ | вики-текстым тӧрлаташ]

Шочыныт[тӧрлаташ | вики-текстым тӧрлаташ]

Тугак ончо: Категорий:Шыжа тылзын 18 кечынже шочшо-влак

  • 1890Яков Андреевич Эшпай, семлызе, музыковед-фольклорист, Марий Эл сымыктышын сулло пашаенже. Шкеже тудо Провой кундем Какшамарий гыч. Тудын усталыкше дене уло тÿня кугешна, вет Яков Андреевич шуко калык мурым поген, калык семÿзгар, симфоний да духовой оркестр-влаклан ятыр сочиненийым возен. Икманаш, марий профессионал музыклан тудо тÿналтышым пыштен. «Знак почёта» да Йошкар Знамя паша орден-влак дене палемдалтын. Тудын лÿмжым Йошкар-Олаште ик урем, Козьмодемьянск оласе тÿвыра полат нумалыт.
  • 1935Давлет Шаймуратович Исламов, журналист, почеламутчо, Марий Эл чапмурын авторжо. Шкеже Пошкырт Эл гыч, но уло паша корныжо Марий Эл дене кылдлатын. Вет тыште тудо «Марий коммуна», «Ончыко» журнал ден газет редакцийлаште тыршен. Давлет Шаймуратович йоча-влакланат шуко почеламутым пöлеклен.
  • 1924 — Зоя Павловна Подузова, Россий Федерацийын сулло туныктыш пашаеҥже. Киров велыште шочын. Санчурск педучилище деч вара шинчымашым Киров кундемысе педагогик институтышто келгемден. Марий кундемыш 1955-ше ийыште толын да Морко кыдалаш школышто руш йылмым туныкташ тӱҥалын: 26 ий ты пашаштак тыршен. Вуйлатышын алмаштышыже сомылымат шуктен. Ятыр методик книга-влакын авторжо.
  • 1939 — Мария Андреевна Айплатова, Марий Элын сулло туныктыш пашаеҥже. Морко кундем Айбакнур ялеш шочын. Паша корныжо Марий кугыжаныш педагогик институт дене кылдалтын. Тӱналтыш класс факультетыште кугурак туныктышылан тыршен.
  • 1962 — Нина Геннадьевна Айварова, туныктыш пашаеҥ, психолог. Оршанка кундем Тошто Крешын ялыште шочын. Шымлыме пашаже «Этносознание» теме дене кылдалтын. Паша корныжо мӱндыр Хант-Мансийысе кугыжаныш университетыште шуйна. 2003-шо ийыште тусо педагогик да психологий кафедрын доцентше лийын. Психологий дене кандидатлык диссертацийым арален.

Коленыт[тӧрлаташ | вики-текстым тӧрлаташ]

Тугак ончо: Категорий:Шыжа тылзын 18 кечынже колышо-влак

Калык пале[тӧрлаташ | вики-текстым тӧрлаташ]

Харитинан кечыже. Ожно тиде кечын ӱдырамаш-влак вынерым куэныт, а пӧръеҥ-влак портышкемым ышташ тӱҥалыныт.