10 Вӱдшор

Википедий — эрыкан энциклопедий гыч материал
Вӱдшор
Шч Кш Вр Из Кг Шм Рш
          1 2
3 4 5 6 7 8 9
10 11 12 13 14 15 16
17 18 19 20 21 22 23
24 25 26 27 28 29 30
             
2017 ий

10 Вӱдшоргригориан кечышот почеш идалыкын 100-шӧ (кужемдыме ийлаште 101) кечыже. Идалык пытыме марте 265 кече кодеш.

Пайрем-влак[тӧрлаташ | вики-текстым тӧрлаташ]

Лӱмгече[тӧрлаташ | вики-текстым тӧрлаташ]

  • Католик лӱм-влак: Макар, Михаил.
  • Танле (православный) лӱм-влак: Илларион, Стефан, Николай, Василий, Иоанн.

Мо лийын[тӧрлаташ | вики-текстым тӧрлаташ]

  • 1710 ий — Английыште автор права шотышто тöртыкым пеҥгыдемдыме.
  • 1832 ий —Российыште Почётан гражданин чаплÿмым илышыш пуртымо.
  • 1944 ий — Одесса олам фашист-влак деч утарыме.
  • 1981 ий —Моско олаште космонавтик тоштерым почыныт.

Тугак ончо: Категорий:Вӱдшор тылзын 10 кечынже мо лийын

Кӧ шочын[тӧрлаташ | вики-текстым тӧрлаташ]

  • 1936 ий — Михаил Николаевич Юхма, литератор да мер пашаеҥ, Чуваший, Марий Эл, Татарстан да Удмурт Республикыласе тӱвыран сулло пашаеҥже, Чуваш республикын калык писательже. Чуваш Элыште шочын. 1989-ше ийыште тудо «Вучах» газетын редакторжылан шогалын. Уста писатель йомакымат, пьесымат, почеламутымат серен. Мер пашаште гын калык-влакын тӱвыра кылыштым пеҥгыдемдымаште тыршен.
  • 1944 ий — Поствайкин, Евграф Михайлович, марий серызе. Курыкмарий кундемыште шочын-кушкын. Ятыр ий тудо инженерлан тӱрлӧ чоҥымо ушемлаште пашам ыштен. Тудын возымыжо-влак кокла гыч «Тыйым ӱдыр вуча» романжым, «Поран» да «Сирень Сир» повестьше-влакым палемдаш лиеш. А «Тыр вады» пьесыже почеш шындыме спектакль дене Курыкмарий театр 1994-ше ийыште шке тургымжым почын.
  • 1945 ий — Виталий Михайлович Блинов, шанче пашаеҥ. У Торъял кундем ыште шочын. Паша корныжо тӱҥ шотышто Марий кугыжаныш университет дене кылдалтын. Технологий шанче кандидат.
  • 1958 ий — Евгений Михайлович Салмин, эмлызе да мер пашаеҥ. 1982-шо ий гыч тудо Юлсер оласе рӱдӧ эмлымверыште хирурглан ышта. А 5 ий гыч ты эмлымверын хирургий пӧлкажын вуйлатышыже лийын. 4 ий кугыжаныш погынын депутатше сомылым шуктен шоген.
  • 1964 ий — Михаил Витальевич Байков, спортсмен да элкӧргӧ пашаеҥ шочын. Шкеже тудо Шернур кундем Мустай ял гыч. Полиций пашаеҥ, куштылго атлетика спортсмен.
  • 1954 ий — Вячеслав Васильевич Осипов, кугыжаныш пашаеҥ. Юлсер кундем Помар селаште шочын-кушкын. 1997-ше ийыште Звенигово кундемысе техник ушемыште вуйлатышыжлан шогалын. КПРФ партийын кундемысе комитетын 1-ше секретарьжат лийын.
  • 1981 ий — Наталья Алексадровна Писарева, спортсменка. Йошкар-Олаште шочын. 8 ияш годымжак дзюдо дене кугу кылым кучаш тӱҥалын. Лач тиде спорт дене тудо юниор-влак кокласе тӱнямбалсе таҥасымаште чемпионка лӱмым сулен. Тыгак тале спортменка cумо дене тӱнямбалсе да cамбо дене Европын чепионкыжо. Российын спорт мастерже.

Тугак ончо: Категорий:Вӱдшор тылзын 10 кечынже шочшо-влак

Кӧ колен[тӧрлаташ | вики-текстым тӧрлаташ]

Тугак ончо: Категорий:Вӱдшор тылзын 10 кечынже колышо-влак

Калык пале[тӧрлаташ | вики-текстым тӧрлаташ]

Илларионын кечыже. Тиде кече деч вара лум писын шулен кая – маныныт. Тыгак шöршудо пеледыш шке нарынче вуйжым ончыкта. Тудым поген, тÿрлö эмым ямдыленыт.