Эшпай, Яков Андреевич

Википедий — эрыкан энциклопедий гыч материал
Яков Эшпай
Яков Андреевич Ишпайкин
200px
Ача ден эрге, Яков ден Андрей Эшпаймыт
Тыршымаш алан:

семлызе

Шочын:

18 (30) Шыжа 1890 ий

Шочмо вер:

Какшамарий, Кокшамарское сельское поселение[d], Провой кундем, Марий Эл, Россий

Гражданство/Подданство:

ССРУ

Колен:

1963 ий 20 Пургыж(1963-02-20) (72 ий)

Колымо вер:

Моско, РСФСР[d], Совет Социализм Республик-влак Ушем

Тиде мутын вес ыҥже-влак улыт. Эшпай (ыҥ-влак) ончал.

Яков Андреевич Эшпай (30 Шыжа 1890, Провой кундем Какшамарий ял —- 20 Пургыж 1963, Моско) - марий семлызе, профессионал марий музыклан негызым пыштыше еҥ, Андрей Эшпайын ачаже.

Илышкорно[тӧрлаташ | вики-текстым тӧрлаташ]

Эшпай 1890 ий 30 шыжаште Провой кундем Какшамарий ялеш шочын.

1910 ийыште Озаҥысе музык училищыш пурен. Пытарымекыже Ӱпӧ оласе семинарийыште музыкым туныктен. Кок ий гыч тудым империалист сарыш налыныт.

1923 ий сорлаште Москошто эртыше хор олимпиадыште Марий хорым вуйлатыше Иван Палантайын полышкалышыже лийын. Тушто марий-влак кокымшо верым налыныт.

1927 ий гыч Моско консерваторийыште шинчымашым нӧлтен.

1933 ийыште музык калыкшанче специальность дене аспирантурым тунем пытарен. Марий камерле, семӱзгар, симфоний музыклан негызым пыштен. Шанчызе да композитор семын чапланен.

30-шо ийла кыдалне "Мирон Мумарин" лӱман икымше марий оперым возаш пижын. Либреттом Николай Арбан ямдылаш лийын улмаш. Но шонымашыже репрессийлан кӧра шукталтын огыл.

1963 ийыште колен. Москосо Введенский шӱгарлаште тойымо[1].

Шарнымаш[тӧрлаташ | вики-текстым тӧрлаташ]

Важ-влак[тӧрлаташ | вики-текстым тӧрлаташ]

  1. Соломин Э. Курымашлык омо дене малат, кийыме верышт пушкыдо // Марий Эл.- 30 май 2003

Негыз[тӧрлаташ | вики-текстым тӧрлаташ]

  • Марла календарь 1995 ий.

Кылвер-влак[тӧрлаташ | вики-текстым тӧрлаташ]