Шакиров, Станислав Алексеевич

Википедий — эрыкан энциклопедий гыч материал
(Колтымо Шакиров гыч)
Перейти к навигации Перейти к поиску
Станислав Шакиров
Станислав Алексеевич Шакиров
200px
Станислав Шакиров
Тыршымаш алан:

семлызе

Шочын:

1967 ий 23 ӱярня(1967-03-23) (52 ий)

Шочмо вер:

Кужнур

Гражданство/Подданство:

Россий

Чап пӧлек да премий:

Станислав Шакировмарий эстрадын семмастарже, семлызе. "Мари" эстраде-фольклор тӱшкан вуйлатышыже. Кызыт чӱчкыдын концерт-влакым пуа. Концерт годым чӱчкыдын гитар але шиялтыш дене шокта да мура.

Илыш корно[тӧрлаташ | вики-текстым тӧрлаташ]

Станислав Шакиров 1967 ийын ӱярня тылзын 23-шо кечынже Пошкырт Эл Пӱрӧ кундем Кужнур ялыште шочын. 1985 ийыште тыштак кыдалаш школым тунем лектын. Кок ий армийыште служитлен. Но чонжо дене мурызак лияш ӱжын. Тыгай шонымаш дене Станислав Йошкар-Олашке толеш. Экзаменым сайын кучен, И.С.Палантай лӱмеш тӱвыра да сымыктыш колледжыш пура. Но тушто шуко ок тунем. Шкенжын вий-куатшым эстрадле муро-влакым мурымаште терга. 1989 ий гыч Марий кугыжаныш филармонийыште пашам ышташ тӱҥалеш.

Тыште тудо "Мари" лӱман эстраде-фольклор тӱшкам пога. Икымше концерт программышт ончышо калыкын кумылжым вигак налын. А вуйлатышын шыма йӱкшӧ да поро гына шинчаончалтышыже угыч да угыч кончер гоч вашлиймашке ӱжыныт. "Какшан сер ӱмбалне ломбо" - тыге маналтын почеламутчо Геннадий Матюковскийын мутшылан возымо семлызе Кузьма Смирновын мурыжо. Тудым марий радион фондышкыжат серен налме. Марий телевиденийысе "Шӱмсем пӧлек" передаче тудын выступленийже деч посна шагал кунам эрта. Станислав Шакировын муро-влакше чӱчкыдын Марий Эл Радион эфирыштыже йоҥгат.

Чап лӱм-влак[тӧрлаташ | вики-текстым тӧрлаташ]

"Мари" тӱшка дене пырля гастроль дене Марий Эл да пошкудо кундемлаште лиеден. Нуно марий эстрадын кӱкшытшым Финляндийыште, Эстонийыште, Венгрийыште ончыктеныт. 1997 ийыште Станислав Шакировлан "Марий Элын сулло артистше", а 2000 ийыште "Марий Элын Калык артистше" лӱмым пуэныт.

Марий Эл Радиошто йоҥгышо муро-влакше[тӧрлаташ | вики-текстым тӧрлаташ]

  • Вучо вашмутым
  • Ит чамане
  • Какшан сер ӱмбалне ломбо
  • Кушто тый улат гын
  • Лум пеледыш
  • Муро маныт
  • Мый улам тылат кӧра
  • Ой йолташем
  • Поч тӧрзатым
  • Пу муретым
  • Рвезе пагытем
  • Туге мо
  • Тый дечет посна
  • Тылат
  • Чолга муро
  • Шочмо-кушмо верем
  • Шошо пагыт
  • Элнет
  • Э-э-э ха-ха