Товло кече

Википедий — эрыкан энциклопедий гыч материал
Перейти к навигации Перейти к поиску

Товло́ кече — йӧратымаш кече, 5 Вӱдшорлан марий-влак пайремлат. Тиде пайрем темлалтеш гына, калык коклаште але эше шарлен огыл.

Негызлыме нерген[тӧрлаташ | вики-текстым тӧрлаташ]

2011 ийыште Марий Эл Радио эфирыштыже темлымашым луктын: марий-влаклан шке йӧратымаш кечым эртараш. Католик йӱла почеш Йӧратымаш кече Шнуй Валентинын кечыжлан 14 Пургыжышто пайремлалтеш, руш-влак 9 сӱремыште Пётр ден Феврониян кечыштым йӧратымаш кечылан ойыреныт, а марий-влакын йӧратымаш нерген эн мотор историйлан «Салика» произведений шотлалтеш. Икымше гана «Салика» спектакль 1938 ийыште Вӱдшор тылзын 5-ше кечынже сценыште шындалтын.

Лӱм нерген[тӧрлаташ | вики-текстым тӧрлаташ]

Радиом колыштшо-влак коклаште йодыштмаш эртаралтын, кузе тиде пайремым лӱмдаш. «Йӧратымаш кече» лӱм 14 февраль дене кылдалтын, «Марий йӧратымаш кече» - шотлан ок тол. Ты жапыште Марий Эл газетыште Санян Вачи дене «Чоным пыштен ыштыме паша чоным огеш кошто» интервью лектын. Тушто кумдан палым мурызо, артист, режиссер Санян Вачи ик тошто мутым шарналта — товло — чын йӧратымаш.

« Йӧратымаш але тошто марла — товло, тӱрлӧ сынан... Пӧръеҥ ден ӱдырамаш коклаште нине кум куат иканаште улыт гын, тиде чын йӧратымаш — товло. »

Тыгак ончо[тӧрлаташ | вики-текстым тӧрлаташ]