Абдулов, Александр Саликович

Александр Саликович Абдулов
Шанче алан:	историк, журналист
Шанче степень:	историй шанче кандидат
Альма-матер:	Н.К. Крупская лӱмеш Марий педагогике институт
Чап пӧлек да премий	Марий Эл Республикын сулло журналистше

Александр Абдулов (Александр Саликович Абдулов) (1960 вӱдшор 16, РСФСР, Башкир АССР, Мишкан кундем, Кугу Соказа ял) – марий историк, шанчызе, журналист, мер пашаеҥ, историй шанче кандидат (2000), Марий Эл Республикын сулло журналистше (2000), «Марий Эл» газетын тӱҥ редакторжо.

Илыш корныжо

Александр Абдулов 1960 ийын вӱдшор тылзын 16-шо кечынже Башкир АССР Мишкан кундем Кугу Соказа ялеш шочын.

Тунеммаш

Кӱшыл шинчымашым Марий кугыжаныш педагогик институтышто налын, 1983-шо ийыште тунем пытарен. Вара Россий Федераций Президент пеленысе кугыжаныш службын Российысе академийыш пурен, 2000-ше ий марте шинчымашым поген.

Мер паша

90-ше ийлаште Александр Абдулов мер паша толкын кӱшныжӧ лийын манаш лиеш. Тудын да йолташыже-влакын тыршымышт дене «У вий» самырык тукым ушем чоҥалтын (1989), «Марий Ушем» организацийым илышыш ылыжтыше-влак кокла гыч улеш (1990). Кунам Финн-угор калык-влакын самырык ассоциацийышт (МАФУН) чоҥалтын - Александр Абдуловым икымше президентшылан сайленыт. Тыгак Мер Каҥашын погынъеҥже улеш.

ОК ВЛКСМ-ын лектор тӱшкалан вуйын шоген, «Кугарня» газетын тӱҥ редакторжылан ыштен (1991-1994). Ты жапыштак Марий телевиденийыште, Марий Эл Республик президентын администрацийыштыже тыршен. 1997 ий гыч «Марий Эл» газетыште тыршаш тӱҥалеш.

Чап

• Историй шанче кандидат (2000).
• Марий Эл Республикын сулло журналистше (2000).
• «Марий Элыште суаплыклан» орденын медальже «Савыктыш отрасльым вияҥдымашке кугу сеҥымашышке шумылан» (2020).

Кылвер-влак

• Абдулов Александр Саликович | kulturarb.(руш)

Литератур

1. Марийская биографическая энциклопедия : 3849 имен в истории Марийского края и марийского народа / авт. и рук. проекта В. Мочаев. – Йошкар-Ола, 2007. С. 13.
2. Сергей Шакиртович Сайтиев. Марийские ученые из Республики Башкортостан. с. Калтасы, 2017. C.5–6.