Марий Самырыктукым Икымше Погынымаш
Марий Самырыктукым Икымше Погынымаш — 2009 ийысе погынымаш. 10 Сӱремыште тӱҥалын, да 15 Сӱремыште пытен. Тиде погынымаш Самырыктукым ий шотышто эртарен ыле. Делегаций-влак Марий Эл, Пошкырт Эл, Суас Эл, Виче вел, Угарман вел, Свердлов вел, Хант-Манси - Югра автоном йырвел да вес эл гыч толыныт. Чыла 102 еҥ делегат погынен. Мишкан кундем Пошкырт Эл делегаций толашлан автобусым пуэн.
Эртарыше-влак: Туныктыш Министерстве, Мер Каҥаш организаций. Полышым Тӱвыра Министерстве пуэн.
Погынымашыш толшо-влак Морко кундемын Октябрьский кугыялысе школа-интернатыште иленыт.
Делегат-влакым Келшымаш Пӧртышто вашлийыныт. Тӱҥалтышыште Йошкар-Олаште экскурсийым эртареныт (Тӱҥ майданым да Евсеев лӱмеш тоштерым ончыктеныт).
Чыла делегат-влак ныл лужашке шелалтыныт. Кажне лужам кок лужавуй вуйлатеныт.
Лӱм нерген
[тӧрлаташ | кодым тӧрлаташ]Кеч тӱҥ лӱмжо — Погынымаш, организатор-влак тыгак Слёт, Форум да "Погарня" лӱмденыт. Мутлан, футболкышто, могайым чыла делегат-влаклан пуэныт, «Марий самырыктукым слет 2009» возымо ыле, а брошӱрыштӧ «Марий самырыктукым форум 2009» сералтеныт.
Южгунам тиде лӱмышкӧ эше ик мутым ешарат: Россий кӱкшытсӧ. Молан манаш гын, эртарыме погынымашыш Российын тӱрлӧ лук гыч самырык-влак погыненыт.
Эше тиде погынымаш Икымше маналтеш. Молан манаш гын, тыгай самырыктукым погынымаш икымше гана эртаралтын.
Эртарыше еҥ-влак
[тӧрлаташ | кодым тӧрлаташ]- Яковлева Лариса Николаевна . Россий Федераций Кугыжаныш Думын депутатше, Мер Каҥаш вуйлатыше
- Журавлев Петр Николаевич. Марий Эл Республикын туныктыш министерствын самырык-влак дене пашам ыштыме шотышто виктемын вуйлатышыже.
- Маланова Маргарита Михайловна. Марий Эл Республикын туныктыш министерствын тӱҥ специалистше.
- Мочаев Валерий Александрович. Мер Каҥаш вуйлатышын алмаштышыже.
- Пушкина Наталья Васильевна. Марий Эл Радио Марий Эл Республикын автоном тӧнежын тӱҥ редакторжо.
- Сафинова Венера Гарифовна. «Тулык икшыве-влакым посна туныктыман тӱҥ шинчымашым пуышо Октябрьский интернат-школ» Марий Эл Республикын кугыжаныш туныктыш тӧнежын директоржо.
- Юзыкайн Эрик Алексеевич. Марий Эл Республикын тӱвыра, печать да калык-влакын пашашт шотышто министерствын Калык кокласе кылым виктарыше пӧлкан вуйлатышыже.
Мо лийын
[тӧрлаташ | кодым тӧрлаташ]- Сӱрем пайрем. Чыла делегат-влак Унчо ялыш кумалаш толыныт.
- Моркышто Марий Эл Радион танцполыштыжо каналтеныт.
- Тунеммаш. Марийын Эртымгорно, Мер организаций, Марий йылме нерген тӱрлӧ лекций-влакым колыштыныт. Тыге еще Марий компьютер класс ыле (Кузе Марий раскладкым шындаш, Электрон Марла мутерым шындаш да Марий мер вот да Марий Википедий нерген пайдареныт).
- Кидпаша. Кӱсле дене шокташ, Воштыр дене тодаш, Калык курчакым ышташ да Сӱретым сӱретлаш лиеш ыле.
- Делегат-влак «Путёвка в жизнь» фильмым онченыт. Тиде фильмыште тӱҥ рольым Йыван Кырла модын.
- Марий КВН. Ныл лужа ваш-ваш таҥасeныт.
- Спорт модмаш-влак. Талешкыгорно да Черемис кучедалмаш.