Марий Самырыктукым Икымше Погынымаш

Википедий — эрыкан энциклопедий гыч материал
Перейти к навигации Перейти к поиску
Файл:Марий Самырыктукым Икымше Погынымаш.jpg
Брошюркышто кучылтмо логотип.

Марий Самырыктукым Икымше Погынымаш — 2009 ийысе погынымаш. 10 Сӱремыште тӱҥалын, да 15 Сӱремыште пытен. Тиде погынымаш Самырыктукым ий шотышто эртарен ыле. Делегаций-влак Марий Эл, Пошкырт Эл, Суас Эл, Виче вел, Угарман вел, Свердлов вел, Хант-Манси - Югра автоном йырвел да вес эл гыч толыныт. Чыла 102 еҥ делегат погынен. Мишкан кундем Пошкырт Эл делегаций толашлан автобусым пуэн.

Эртарыше-влак: Туныктыш Министерстве, Мер Каҥаш организаций. Полышым Тӱвыра Министерстве пуэн.

Погынымашыш толшо-влак Морко кундемын Октябрьский кугыялысе школа-интернатыште иленыт.

Делегат-влакым Келшымаш Пӧртышто вашлийыныт. Тӱҥалтышыште Йошкар-Олаште экскурсийым эртареныт (Тӱҥ майданым да Евсеев лӱмеш тоштерым ончыктеныт).

Чыла делегат-влак ныл лужашке шелалтыныт. Кажне лужам кок лужавуй вуйлатеныт.

Лӱм нерген[тӧрлаташ | вики-текстым тӧрлаташ]

Кеч тӱҥ лӱмжо — Погынымаш, организатор-влак тыгак Слёт, Форум да "Погарня" лӱмденыт. Мутлан, футболкышто, могайым чыла делегат-влаклан пуэныт, «Марий самырыктукым слет 2009» возымо ыле, а брошӱрыштӧ «Марий самырыктукым форум 2009» сералтеныт.

Южгунам тиде лӱмышкӧ эше ик мутым ешарат: Россий кӱкшытсӧ. Молан манаш гын, эртарыме погынымашыш Российын тӱрлӧ лук гыч самырык-влак погыненыт.

Эше тиде погынымаш Икымше маналтеш. Молан манаш гын, тыгай самырыктукым погынымаш икымше гана эртаралтын.

Эртарыше еҥ-влак[тӧрлаташ | вики-текстым тӧрлаташ]

  • Лариса Николаевна Яковлева. Россий Федераций Кугыжаныш Думын депутатше, Мер Каҥаш вуйлатыше
  • Журавлев Петр Николаевич. Марий Эл Республикын туныктыш министерствын самырык-влак дене пашам ыштыме шотышто виктемын вуйлатышыже.
  • Маланова Маргарита Михайловна. Марий Эл Республикын туныктыш министерствын тӱҥ специалистше.
  • Мочаев Валерий Александрович. Мер Каҥаш вуйлатышын алмаштышыже.
  • Пушкина Наталья Васильевна. Марий Эл Радио Марий Эл Республикын автоном тӧнежын тӱҥ редакторжо.
  • Сафинова Венера Гарифовна. «Тулык икшыве-влакым посна туныктыман тӱҥ шинчымашым пуышо Октябрьский интернат-школ» Марий Эл Республикын кугыжаныш туныктыш тӧнежын директоржо.
  • Юзыкайн Эрик Алексеевич. Марий Эл Республикын тӱвыра, печать да калык-влакын пашашт шотышто министерствын Калык кокласе кылым виктарыше пӧлкан вуйлатышыже.

Мо лийын[тӧрлаташ | вики-текстым тӧрлаташ]