Гараев, Эльфис Фаритович

Эльфис Фаритович Гараев
	Эльфис Фаритович Гараев
Тыршымаш алан:	мурызо, семлызе
Шочын:	1992 ий 15 ага (31 ий)
Шочмо вер:	Россий, Марий Эл, Поранча кундем, Поранча
Эллык:	Россий
Ача:	Гараев Фарит
Ава:	Гараева Зинера

мурсемче, мурызо, тӱмырзӧ, композитор, аранжировщик, поэт, "Elvin Grey" лэйблын артистше

Эльфис Гараев (Эльфис Фаритович Гараев) (1992 ага 15, Марий Эл, Поранча кундем, Поранча ола сынан посёлко) — марла мурышо суас мурызо да семлызе.

Илыш корныжо[тӧрлаташ | вики-текстым тӧрлаташ]

Эльфис Гараев 1992 ийын ага тылзын 15-ше кечынже Марий Эл Поранча кундем Поранча ола сынан посёлкеш суас ешеш шочын. Индешымше классым тунем пытарымеке, училищыште механизаторлан тунемын. Варарак музык дек шӱмаҥын да республикын рӱдолашкыже куснен. Тушто И. С. Палантай лӱмеш тӱвыра да сымыктыш колледжыш, калык семӱзгар пӧлкаш тунемаш пурен. Йошкар-Олаште тунеммыж годым тӱрлӧ кавер-группышто тӱмыр дене шоктен, ты группыла дене гастроль дене коштын. Колледжым тунем лекмеке, Озаҥ оласе тӱвыра институтын джаз пӧлкашкыже тӱмырзӧ специальность дене тунемаш каен да 2019 ийыште дипломым налын. 2020 ийыште шке мурыжым возаш тӱҥалын да интернетыште палыме лийын^[1].