3 кылме

Википедий — эрыкан энциклопедий гыч материал
(Колтымо 3 Кылме гыч)
Кылме
Шч Кш Вр Из Кг Шм Рш
    1 2 3 4 5
6 7 8 9 10 11 12
13 14 15 16 17 18 19
20 21 22 23 24 25 26
27 28 29 30      
             
2017 ий

3 кылме (3 ноябрь) — григориан кечышот почеш идалыкын 307-ше (кужемдыме ийлаште — 308-ше) кечыже. Идалык пытыме марте 58 кече кодеш.

Пайрем-влак[тӧрлаташ | вики-текстым тӧрлаташ]

  • Тунямбал кукшытышто таче поръен-влакын пайремышт.

Лӱмгече[тӧрлаташ | вики-текстым тӧрлаташ]

Кылме тылзын кумшо кечынже Илларион, Феофил, Пелагея, Максимилиан, Константин, Захар, Денис, Аркадий, Яков да Мартин – влакын лӱм кечышт.

Событий-влак[тӧрлаташ | вики-текстым тӧрлаташ]

Тугак ончо: Категорий:Кылме тылзын 3 кечысе событий-влак

  • 1912 — Россий ден Монголий коклаште Монголийын автономийже нерген вашкелшыкым пенгыдемдыме.
  • 1957 — космосыш «Спутник-2» аппаратым колтымо. Бортыштыжо Лайка пий лийын.

Шочыныт[тӧрлаташ | вики-текстым тӧрлаташ]

Тугак ончо: Категорий:Кылме тылзын 3 кечынже шочшо-влак

  • 1925 — Константин Андреевич Иванов, педагог, партий пашаеҥ, журналист. Шкеже Кужэҥер кундемысе Визым ял гыч. Школышто туныктен, завуч, директор лийын. Журналистикыштат шкем терген: кундемысе газетын редакторжо лийын. КПСС обкомышто инструктор да шанче ден туныктыш пӧлкам вуйлатен.
  • 1925 — Лаврентий Иванович Шабалин, шанче-ботаник, Совет Ушем кӱшыл шинчымашын отличникше. Шкеже Шернур кундем Кугэнер ял гыч. Тудын паша корныжо Крупская лумеш марий педагогик институт дене кылдалтын. Ял озанлык шанче кандидат.
  • 1954 — Николай Григорьевич Тимофеев, кидмастар, сӱретче. Поранча кундем Олор ялыште шочын-кушкын. Шинчымашым Йошкар-Оласе художественный училищыште налын, вара Таллин оласе институтышто тунемын. Паша корныжым кыдалаш школышто туныктышо семын тӱҥалын. Тыгодымак тӱвыра пӧртыштӧ сӱретче-оформитель пашам шуктен. Тудо кӱртньӧ гыч тӱрлӧ арвер-влакым ямдыла: калыкыште тиде сомылым «художественная ковка» маныт. Тудын кумдан палыме сомыл-влак кокла гыч «Тум-тум тумна», «Васли Валерик», «Кыдалаш эрге» пашаже-шамычым палемден кодаш лиеш. Ончерже-влак Марий кундемыште да Моско олаштат эртеныт.
  • 1962Зоя Михайловна Дудина, почеламутчо, сылнымут пашаеҥ, кусарыше, Марий Эл тӱвыран сулло пашаеҥже. Зоя Михайловна Шернур кундем Марисола ялсоветыш пурышо Купсола ялеш шочын. Марий кугыжаныш университетым тунем лекмек, книга савыктышыште редакторлан тыршаш тӱҥалын. 2005-ше ий гыч «Марий Эл» газет редакцийыште пашам ышта. Поэзий аланыште тудо моткоч кугу кӱкшытыш шуын: Зоя Михайловна «Мый шкежат суксо омыл», «Колыштса шӱшпык чон шортмым», «Эрелан йӧратыме тат» почеламут ойпого-влакын авторжо. Тыгакак тудо тунемме да сылнымут литертурым кусарыше семын тырша.
  • 1953 — Валерий Викторович Кожевников, мер пашаеҥ. Валерий Викторович Йошкар-Олаште шочын. Шинчымашым налмек, пушеҥгым руымо пашаште, «Электроавтоматика» заводышто слесарьлан, «Новатор» заводышто машинам виктарышылан тыршен. Кугыжаныш Погынын депутатшат лийын. Мер пашаште моткоч кугу пагалымашым сулен.

Коленыт[тӧрлаташ | вики-текстым тӧрлаташ]

Тугак ончо: Категорий:Кылме тылзын 3 кечынже колышо-влак

Калык пале[тӧрлаташ | вики-текстым тӧрлаташ]

  • Илларионын кечыже. Тыгай калыкпалым эскереныт: ты кечын вочшо лум ок шуло гын, шошым лумпеледыш ондак лектеш.