30 пеледыш

Википедий — эрыкан энциклопедий гыч материал
(30 Пеледыш гыч колтымо)
пеледыш
Шч Кш Вр Из Кг Шм Рш
          1 2
3 4 5 6 7 8 9
10 11 12 13 14 15 16
17 18 19 20 21 22 23
24 25 26 27 28 29 30
             
2024 ий

30 пеледыш (30 июнь) — григориан кечышот почеш идалыкын 181-ше (кужемдыме ийлаште — 182-шо) кечыже. Идалык пытыме марте 184 кече кодеш.

Ты кечышке високос секундым ешараш лиеш. Идалыкыште тыгай кече кокыт гына уло: 30 Пеледыш да 31 Теле.

Пайрем да памятный дате-влак[тӧрлаташ | кодым тӧрлаташ]

Лӱмгече[тӧрлаташ | кодым тӧрлаташ]

Событий-влак[тӧрлаташ | кодым тӧрлаташ]

Тугак ончо: Категорий:Пеледыш тылзын 30 кечысе событий-влак

  • 1908 ий — Сибирь тайгашке Тунгус метеорит камвозын.
  • 1936 ий — Йошкар-Оласе музык училищылан И.С. Ключников-Палантайын лӱмжым пуымо. Ончо: И.С. Ключников-Палантай лӱмеш тӱвыра да сымыктыш колледж
  • 1941 ий — Воронеж оласе Коминтерн лӱмеш заводышто икымше «Катюша» сарзе машина-влакым ыштен лукмо.
  • 1971 ий — «Союз -11» космический корабльын экипажше колен. 3 космонавтын: Георгий Добровольскийын, Владислав Волковын да Виктор Пацаевын лӱмыштым тылзын кратерже-влаклан да изи-планета-влаклан пуымо.

Шочыныт[тӧрлаташ | кодым тӧрлаташ]

Тугак ончо: Категорий:Пеледыш тылзын 30 кечынже шочшо-влак

  • 1881 ий — Агриппина Васильевна Боброва-Ишпайкина, палыме просветитель, марий ÿдырамаш-влак кокла икымше революционер. Провой кундем Какшамарий ялыште шочын. 1906-шо ийыште шке шочмо ялыштыже кресаньык бунтым тарватымыжлан тудым 3 ийлан ссылкыш колтеныт. 20-шо ийлаште Агриппина Васильевна туныктымо пашашке ушнен: поснак ӱдырамаш-влак коклаште грамотан лийышт манын тыршен.
  • 1920 ий — Андрей Тарасович Наумов, озанлык пашаеҥ. Андрей Тарасович Кугу Отечественный сарын участникше. Ече спорт дене кылым кучен, Совет Союзын ший призержо. ӱмыржӧ мучко «1 май» колхозышто ыштен, автомашинам виктарыше да гараж заведующий лийын. «Марий Элын эн сай шофержо» да «1 май» колхозын почеталн колхозникше чап лӱм-влак дене палемдалтын.
  • 1928 ий — Алла Николаевна Гзыло, театр сӱретче, Марий Эл сымыктышын сулло пашаеҥже. Свердловскысо, Пермь оласе да Брестысе театрлаште тыршыме деч вара Марий кугыжаныш драмтеатрыш толын. «Салика», «Кок эрге», «Марш Акпарса» спектакль-влакын оформительже. А «Фёдор Иванович кугыжа» спектакльланже Марий республикысе кугыжаныш премий дене палемдалтын.
  • 1947 ий — Людмила Ивановна Кожевникова, партий пашаеҥ. Йошкар-Оласе комитетын секретарьже гыч тӱҥалын областьысе КПСС партий комитетын секретарьже марте шуын. 14 ий Марий республикысе кӱшыл погынын депутатше лийын.
  • 1950 ий — Иван Фёдорович Васильев, экономист да кугыжаныш вуйлатыше. Лач тиде уста айдемын вуйлатымыже почеш Марий Элысе виктерын илышкыл да экономик лончылымаш рӱдер почылтын. Экономик вияҥмаш шотышто ятыр программа-влакын авторжо да вуйлатышыже. Экономик шанче кандидат.
  • 1978 ий — Татьяна Николаевна Беляева, марий шанчызе, йылмызе, туныктышо, филологий шанче кандидат (2012), доцент (2013).
  • ???? ий — Светлана Горохова, тӱвыра пашаеҥ, мурызо. Шкеже тудо Куженер район Кокшародо ял гыч. Шинчымашым тӱвыра да сымыктыш колледжыште поген, театр пӧлкам тунем лектын. Паша корныжо Советский посёлкысо тӱвыра пӧрт дене кылдалтын. 2011 ийыште Светлана шкеж гаяк муро кумылан еҥ-влакым шке йырже поген «Мурызо тукым» ансамбльым чумырен.
  • 1992 ий — Лилия Петухова, мурызо. Шкеже тудо Морко кундем Кожлаер гыч.

Коленыт[тӧрлаташ | кодым тӧрлаташ]

Тугак ончо: Категорий:Пеледыш тылзын 30 кечынже колышо-влак

Калык пале[тӧрлаташ | кодым тӧрлаташ]

Мануил Солнцестой. Ты кечын кум изак-шолякым: Мануилым, Савелийым да Исмаилым шарналтат. Калык ой почеш, ты кечын мӧҥгыштак шинчыман. Тулым чӱктыман огыл, шем вий тулым ужын толеш – маныныт.