29 Пеледыш

Википедий — эрыкан энциклопедий гыч материал
Пеледыш
Шч Кш Вр Из Кг Шм Рш
      1 2 3 4
5 6 7 8 9 10 11
12 13 14 15 16 17 18
19 20 21 22 23 24 25
26 27 28 29 30    
             
2017 ий

29 Пеледышгригориан кечышот почеш идалыкын 180-ше (кужемдыме ийлаште 181) кечыже. Идалык пытыме марте 185 кече кодеш.

Пайрем-влак[тӧрлаташ | вики-текстым тӧрлаташ]

Лӱмгече[тӧрлаташ | вики-текстым тӧрлаташ]

Мо лийын[тӧрлаташ | вики-текстым тӧрлаташ]

  • 1561 ий — Москваште Василий Блаженный лӱмеш черкым чоҥен пытареныт.
  • 1916 ий — историйыште икымше гана «Боинг» самолёт южыш нӧлталтын.
  • 1957 ий — ЦК КПСС-ын пленумыштыжо «Маленковын, Молотовын, Кагановичын да Шепиловын партий ваштареш шогымышт» нерген постановленийым пеҥгыдемдыме. Нуным партий гыч лукташ кутырен келшыме.

Тугак ончо: Категорий:Пеледыш тылзын 29 кечынже мо лийын

Кӧ шочын[тӧрлаташ | вики-текстым тӧрлаташ]

  • 1929 ий — Виктор Ильич Пчелин, шанче-чодыразе, профессор, Марий Эл Республикын сулло шанчыеҥже. Марий кугыжаныш университетыште чодыра техник факультетын деканжылан, вара проректорлан тыршен. Тӱҥ шотышто Виктор Ильич Юл кундемысе чодыра экосистемым келгын шымлен: 100 наре шанче пашам возен.
  • 1939 ий — Рюрик Елизарович Янгильдин, сӱретче-график. Шкеже Йошкар-Ола гыч. Паша корныжо Марий книга савыктыш дене кылдалтын: тыште тудо ятыр ий графиклан, иллюстраторлан пашам ыштен. Ятыр книгаште тудын сÿретше-влакым ужаш лиеш.
  • 1947 ий — Владимир Иванович Олейник, йӧнозанлык вуйлатыше. Украиныште шочын-кушкын, но Марий кундемыште шке пашаже дене чапланен. «Марийхолодмаш» ушемым 14 ий вуйлатен. Тидын годымак республикысе кӱшыл погынын депутатше лийын. Тиде пашалан тудым чап танык дене палемденыт.
  • 1954 ий — Славик Михайлович Асмаев, артист да тӱвыра пашаеҥ, Россий Федерацийын сулло артистше. 1975-ше ий гыч тудо «Марий Эл» куштышо кугыжаныш ансамбльыште пашам ышташ тӱҥалын. А 1993-шо ийыште республикысе тӱвыра да сымыктыш колледж пелен «Рвезылык» калык ансамбльым чумырен, кудыжо Махмуд Эсамбаев лӱмеш конкурсын лауреатше лӱмым сулен. Кызытат тиде ансамбль калыкым шке мастарлыкше дене куандарен шога. А вуйлатышыже ятыр кугыжаныш чап танык дене палемдалтын.
  • 1986 ий — Наталья Васильевна Курочкина, журналист палемда. Марий Тӱрек кундем Аимково ялын ӱдыржӧ Марий кугыжаныш университетыште тунеммыж годымак ойырен налме профессийже дене телевиденийыште шуаралташ тӱҥалын. «12 регион – Марий Эл ТВ» телеканалым почмек, тыште шке паша вержым муын.

Тугак ончо: Категорий:Пеледыш тылзын 29 кечынже шочшо-влак

Кӧ колен[тӧрлаташ | вики-текстым тӧрлаташ]

Тугак ончо: Категорий:Пеледыш тылзын 29 кечынже колышо-влак

Калык пале[тӧрлаташ | вики-текстым тӧрлаташ]

  • Тихонын кечыже. Калык ой почеш ты кече деч вара кайык-влакын йӱкышт шыплана, шӱшпык гына Петро кече марте шӱшка. Шнуй Тихон деч пӱй корштымым эмлаш йодын юмылтеныт.