18 пургыж
| ← пургыж → | ||||||
| Шч | Кш | Вр | Из | Кг | Шм | Рш |
| 1 | 2 | 3 | 4 | |||
| 5 | 6 | 7 | 8 | 9 | 10 | 11 |
| 12 | 13 | 14 | 15 | 16 | 17 | 18 |
| 19 | 20 | 21 | 22 | 23 | 24 | 25 |
| 26 | 27 | 28 | 29 | |||
| 2024 ий | ||||||
18 пургыж (18 февраль) — григориан кечышот почеш идалыкын 49-ше кечыже. Идалык пытыме марте 316 (кужемдыме ийлаште — 317) кече кодеш.
Пайрем да памятный дате-влак
[тӧрлаташ | кодым тӧрлаташ]- Российысе транспорт милиций кече
Лӱмгече
[тӧрлаташ | кодым тӧрлаташ]Пургыж тылзын латкандашымше кечынже Агафья, Антоний, Макар, Феодосий, Симеон–влакын лӱм кечышт.
Событий-влак
[тӧрлаташ | кодым тӧрлаташ]Тугак ончо: Категорий:Пургыж тылзын 18 кечысе событий-влак
Шочыныт
[тӧрлаташ | кодым тӧрлаташ]Тугак ончо: Категорий:Пургыж тылзын 18 кечынже шочшо-влак
- 1930 — Еремей Герасимов, марий серызе, почеламутчо.
- 1936 — Калинин, Герман Сергеевич, журналист да краевед. Ончыч «Молодой коммунист» да «Марий коммуна» газет редакцийлаште, вара 26 ий КГБ-ыште тыршен. 5 ий лӱдыкшыдымылык федерал службын кучемысе ветеран-влак ушемын вуйлатышыже сомылым шуктен шоген. Лач тудын вуйлатымыж почеш ФСБ-ын тоштержым почмо.
- 1939 — Новосёлов, Александр Фёдорович, сӱретче. Мари-Турекыште уста сўретче шочын. Кумдан палыме «Спорт», «Космос» да «Марий куштымаш» панно-влакын авторжо. «Монументал сымыктыш» секцийыште марий-влак кокла гыч икте гына Российысе сӱретче-влак ушемын чолга еҥже улеш. «Ню» жанрыште специалистлан шотлалтеш. Тудын ончерже-влак Российысе шуко олаште да йот эллаштат эртеныт.
- 1942 — Романов, Евгений Иванович, писатель-сатирик. Ятыр ий Оршанка районысо газетын корреспондентшылан тыршен. «Просто рыжий март», «Зелёная каша», «Жаковы шишки» книга-влакын авторжо.
- 1949 — Усолов, Александр Николаевич, сӱретче, Марий Элын сулло сӱретчыже. Параньга кундем Усолаште шочын. Кугу чапым пашаштыже марий пӱртӱсын да калыкын чын сыныштым кумдан почын пуымыж дене сулен. Тудын сӱретше-влак Москосо, Озаҥысе, Угарманысе ончерлаште лийыныт.
- 1950 — Моисеева, Валентина Семёновна, актриса, Марий Элын сулло артисткыже. Тудо Провой кундем Нуктуж ялыште шочын. Шкетан лӱмеш драмтеатрыште 1971-ше ий гыч пашам ышташ тӱҥалын. Айзманын «Кай, кай Йыванлан» спектакльыште Майран, Николаевын «Саликаштыже» Маринан, Арбанын «Кеҥеж йӱдыштӧ» Катян рольжым устан чоҥен.
- 1970 — Инна Алексеевна Ядарова, марий йылмызе, шанчызе, филологий шанче кандидат (2003).
- 1978 — Клюкина, Мария Юрьевна, сӱретче. Шкеже тудо Йошкар-Ола гыч. Суапле пашажым кӱкшын акленыт: Олык Ипай лӱмеш премийын лауреатше.
Коленыт
[тӧрлаташ | кодым тӧрлаташ]Тугак ончо: Категорий:Пургыж тылзын 18 кечынже колышо-влак
- 1974 — Михаил Иванов-Батрак, марий серызе, почеламутчо, туныктышо, СССР Серызе-влак ушемын йыжъеҥже (1934).
- 2004 — Миклай Рыбаков, марий серызе, журналист, драматург, артист, СССР Серызе-влак ушемын йыжъеҥже, Марий Эл Республикын Калык серызыже (1996), Марий АССР-ысе сымыктышын сулло пашаеҥже (1970), Марий АССР-ысе С.Г. Чавайн лӱмеш Кугыжаныш премийын лауреатше (1978), Олык Ипай лӱмеш Марий комсомол премийын лауреатше (1974).
- 2005 — Ким Васин, марий серызе, шанчызе, йылмызе, туныктышо, литературовед, литератур критик, кусарыше, журналист, филологий шанче кандидат, СССР Серызе-влак ушемын йыжъеҥже (1953), Марий АССР-ысе шанчын сулло пашаеҥже (1978), Чуваш АССР-ысе тӱвыран сулло пашаеҥже, Марий АССР-ысе Кугыжаныш премийын лауреатше (1976), Марий АССР-ын Калык серызыже (1984), Йошкар-Олан Почётан гражданинже (1993).
Калык пале
[тӧрлаташ | кодым тӧрлаташ]
|
18 пургыж Викиклатыште? |
|---|