Строганова, Светлана Васильевна

Википедий — эрыкан энциклопедий гыч материал
(Колтымо Светлана Каншаева гыч)
Перейти к навигации Перейти к поиску
Светлана Васильевна Строганова
Светлана Строганова
Марий мурызо Светлана Строганова.jpg
Марий Эл Республик да Россий Федераций кӱкшытысӧ кино да театр актриса Светлана Строганова.
П. Васильевын фотожо.
Тыршымаш алан:

актриса, мурызо

Шочын:

1974 ий 21 ага(1974-05-21) (45 ий)

Шочмо вер:

Марий АССР, У Торъял кундем, Шӱвылак ял

Гражданство/Подданство:

Совет Ушем Совет Ушем
Россий Россий

Чап пӧлек да премий:

Светлана Строганова (Светлана Васильевна Строганова) (1976 ага 21, Марий АССР, У Торъял кундем, Шӱвылак ял) — марий актриса, мурызо, вӱдышӧ, Марий Эл Республикын сулло артистше (2006), Марий Эл Республикысе М. Шкетан лӱмеш Кугыжаныш премийын лауреатше (2007), Марий Эл Республикын Калык артистше (2014).

Илыш корно[тӧрлаташ | вики-текстым тӧрлаташ]

Светлана Строганова У Торъял кундем Шӱвылак ялыште 21 Ага 1976 ийыште шочын. 10 класс марте У Торъялысе кыдалаш школышто тунемын, 11 классым Тошто Торъял кыдалаш школышто пытарен. 1993-1994 ийлаште Олег Иркабаевын вуйлатыме почеш Марий самырык театр пеленысе театр студийыште артист мастарлыкым поген. 1994 ийыште М.С.Щепкин лӱмеш кӱшыл театр училищыш (Моско ола) тунемаш пурен, училищым йошкар диплом дене пытарен. Тунеммаш деч вара Светлана Строганова М. Шкетан лӱмеш Марий кугыжаныш драме театрыш пашаш пурен.

Еш[тӧрлаташ | вики-текстым тӧрлаташ]

Шкетан театрыште[тӧрлаташ | вики-текстым тӧрлаташ]

Марий мурызо-влак Виктор Апталиков ден Светлана Строганова концертыште.
П. Васильевын фотожо.

Кугыжаныш театрыште икымше рольжо - Маюк «Ачийжат-авийжат» спектакльыште. Моткоч кугу пагалымашым Светлана Строганова Сергей Николаевын пьесыж почеш шындыме «Салика» спектакльыште тӱҥ рольым чоҥымо дене сулен. 1999-2000 ийласе театр тургым иктешлыме почеш Светлана Строганова «Надежда» премий дене палемдалтын.

Театрысе роль-влак[тӧрлаташ | вики-текстым тӧрлаташ]

Мурымо паша[тӧрлаташ | вики-текстым тӧрлаташ]

Талантан актриса семын гына огыл, виян йӱкан мурызо семынат Светлана Строганова ойыртемалтеш. Тӱҥалтышыште театрысе спектакльлаште муро-влакым йоҥгалтарен, вара Марий Эл Радион ротацийышкыж «Мыйын мландем» муро логалын. Тылеч вара Светлана Васильевна чӱчкыдын концертлаште шкешотан мурызо семын мура. 2001 ийыште Моско олаште А.Миронов лӱмеш калык-влак кокласе актёр муро фестивальыште шке мастарлыкшым ончыкта, ты жапыштак Угарман оласе «Поют актеры драматических театров» фестивальын дипломантше лиеш.

Муро-влак[тӧрлаташ | вики-текстым тӧрлаташ]

Кино[тӧрлаташ | вики-текстым тӧрлаташ]

2005 ийыште Светлана Строгановам кумдан палыме российысе кинорежиссёр Александр Рогожкин «Перегон» фильмышкыж Валентинан рольжым модаш ӱжын. Вес ийын тиде фильм «Созвездие» киноактёр-влак калык-влак кокласе фестиваль программышкыже пурен. Тиде рольлан Светлана «За лучшую женскую роль второго плана» номинацийыште сеҥен.

Фильмографий[тӧрлаташ | вики-текстым тӧрлаташ]

  • 2005 ий — «Перегон» — Валентина
  • 2010 ий — «Салика» телеспектакль — Салика

Чапым палемдымаш[тӧрлаташ | вики-текстым тӧрлаташ]

2006 ий шыжа тылзын 20-шо кечынже Марий Эл Республик Президентын кӱштыкшӧ почеш Светлана Строгановалан Марий Эл Республикын сулло артистше чап лӱмым пуэныт. 2007 ий теле тылзын Марий Эл Республикысе М. Шкетан лӱмеш Кугыжаныш премийым сулен налын.

«Салика» спектакльыште Саликан рольжым чоҥымылан 2005 ийыште «Эн сай ӱдырамаш роль» номинацийыште Йыван Кырля лӱмеш театр премийым сулен, 2007 ийыште В.Шекспирын пьесыж почеш шындыме «Кожла кокласе омо» («Сон в летнюю ночь») спектакльыште Ошвикан (Гермиян) рольжым чоҥымылан «Кокымшо планысе эн сай ӱдырамаш роль» номинацийыште сеҥен.

Кылвер-влак[тӧрлаташ | вики-текстым тӧрлаташ]