Боголюбова, Лилия Владимировна

Википедий — эрыкан энциклопедий гыч материал
Лилия Владимировна Боголюбова
Лилия Петухова
Шочмаш дене лӱм Лилия Владимировна Петухова
Шочын 1992 ий 30 пеледыш(1992-06-30) (31 ий)
Шочмо вер Марий Эл, Морко кундем, Кожлаер ял
Йоча-влак Артём эрге
Риана ӱдыр

Лилия Петухова (Лилия Владимировна Боголюбова (Петухова)) (1992 пеледыш 30, Марий Эл, Морко кундем, Кожлаер ял) — марий мурызо.

Илыш корно[тӧрлаташ | кодым тӧрлаташ]

Лилия Петухова 1992 ий пеледыш тылзын 30-шо кечынже Морко кундемысе Кожлаер ялыште шочын. Аваже — Петухова Асия Гаптулхаковна, кевытоза, ачаже — Петухов Владимир Николаевич, самодеятельный композитор, Моско олаште пашам ышта.

Тунеммаш да паша[тӧрлаташ | кодым тӧрлаташ]

Тӱҥалтыш шинчымашым Кожлаер школышто налын. 10-11 классым Волаксола кыдалаш школышто пытарен. 2009-2010 ийыште ФГОУ СПО «Йошкар-Оласе строительный техникумышто» экономик-правовой пӧлкаште юристлан тунем лектын (специальность — правоведение, хозяйственно-правовой специализаций, квалификаций - юрист).

2010-2013 ийлаште АНО ВПО «Межрегиональный открытый социальный институтышто» заочно юридический факультетыште тунемын. Специальность — юриспруденций, специализаций — гражданско-правовой, квалификаций — юрист. Тунемме жапыште пашам ыштен — Морко рӱдо эмлымверыште тӱҥ эмлызын секретарьжылан тыршен. 2014 ий гыч ООО «Жилкомсервис» организацийыште юрисконсультлан пашам шукта.

Еш[тӧрлаташ | кодым тӧрлаташ]

2014 ийыште ешым чумырен. Пелашыже — Боголюбов Алексей Валерьевич. Кок икшывым ончен-куштат: Артём ден Риана.

Мурымаш паша[тӧрлаташ | кодым тӧрлаташ]

Мураш изинекак йӧратен. Ачаже — гармоньчо, аважат мураш йӧрата, сандене, очыни, мураш-кушташ йоча годымак тунемын. Йоча садыш коштмо годым районысо конкурслаште таҥасен, сеҥыше радамыш лектын, ялысе клуб пашаеҥ-влак дене тӱрлӧ яллашке концерт дене коштыныт. Ты годымак мурызо лияш эреак шонен.

2011 ийыште «Марий Эл Радион» эртарыме «идалыкысе муро» концертыште икымше гана «Йолташемлан» муро дене кугу сценыш калык ончыко лектын, радиоэфирыште икымше йоҥгалтарыме мурыжо «шочмо кече».

Творческий кылым марий эстрадын шӱдыржӧ-влак дене куча: Володя Матвеев, Артур Ефремов, Эльвира Трифонова, Анатолий Зарецких, Ирина Якаева. Нине артист-йолташыже-влак дене пырля ик гана веле огыл Российыште марий-влакын тӱшкан илыме верлашке гастроль дене пырля коштыныт: Свердловск вел, Пошкырт Эл, Удмуртий, Татарстан.

Муро-влак[тӧрлаташ | кодым тӧрлаташ]

  • «Шочмо кече»
  • «Йӧратыме пагыт»
  • «Йолташемлан»
  • «Марий ӱдыр»
  • «Ӧндалыш танем»
  • «Ош вис- вис»
  • «Кодшо йӧратымаш»
  • «Такмак-влак»
  • «Ял гыч фронтышко»
  • «Авай, авайна»
  • «Кушто улат, пиалем»
  • «Авай»
  • «Шинчаштемже тыйынак веле»
  • «Кеч лӱметым каласал»
  • «Вучем шуматкечым»
  • «Тыланет кора»
  • «Йоратымаш ила»
  • «У такмак-влак»
  • «Вучо, вучо»
  • «Вашлиймаш»
  • «Поран»

Чап танык-влак[тӧрлаташ | кодым тӧрлаташ]

  • 2008 ий — «Талантан самырык тукымлан полшымаш» направлений почеш Морко кундемысе администраций вуйлатышын грантшым сеҥен.
  • 2008 ий — «Единая Россия» партийысе марий регионысо пӧлкан дипломжо дене «Художественное творчество» номинацийыште палемдалтын.