Петров, Эрнст Алексеевич

Эрнст Алексеевич Петров
Эрик-Эрнст Петров, Эрик Петров
Шочмаш дене лӱм	Эрнст Алексеевич Петров
Шочын	1960 ий 16 сорла(1960-08-16) (65 ий)
Шочмо вер	Марий АССР, Кужэҥер кундем, Кожласола ял
Тыршымаш алан	серызе
Чап пӧлек да премий	«Антон Чеховлан – 160 ий» медаль III степенян «Наследие» шӱдыр

Эрик Петров, Эрик-Эрнст Петров (Эрнст Алексеевич Петров) (1960 сорла 16, Марий АССР, Кужэҥер кундем, Кожласола ял) — марий серызе, почеламутчо, журналист, СССР да Россий Журналист-влак ушемын йыжъеҥже, Россий Серызе-влак ушемын йыжъеҥже (2016).

Илыш корныжо

Эрик Петров 1960 ийын сорла тылзын 16-шо кечынже Марий АССР Кужэҥер кундемысе Кожласола (Марий Олма) ялеш кресаньык-селькор ешеш шочын. НСХТ-м да МГПИ-м тунем лектын. 1982 ийыште Кужэҥер районысо "Заря" (Ӱжара) газетыште корреспондентлан пашам ышташ тӱҥалын. Умбакыже Килемар кундем "Восход", Марий коммуна", "Марий Эл", "Совершенно несекретно" газетлаште тыршен, 2003-2004 ийлаште "Кугарня" газетыште директор-тӱҥ редактор лийын. Чукоткысо "Золотая Чукотка" газет мартеат шуын. "Ончыко" журналыште ответственный секретарь, редактор лийын. 20 ий утла Самое Вий, МВД, ФСНП-ште (налог полиций) служитлен (утларакше пресс-службышто). Тидат ситыдымыла чучмеке, МЧС-ыште 8 ий утла пашам ыштен. Ведомствысе медаль-влак дене палемдалтын. Ветеран труда (2016).

Почешыже шольыжо Александр Алексеевич Петров (Марий Элын калык серызеже, сулло журналистше) ден шӱжарже Любовь Алексеевна Камалетдинова (Петрова) (Марий Элын сулло журналистше) журналист корным тошкеныт.

Чап

• СССР Журналист-влак ушемын йыжъеҥже.
• Россий Журналист-влак ушемын йыжъеҥже.
• Россий Серызе-влак ушемын йыжъеҥже (2017).
• III степенян «Наследие» шӱдыр руш тӱвыра йӱлан литератур пашалан (2019).
• «Антон Чеховлан – 160 ий» медаль руш литературым вияҥдымашке надырлан (2019).

Кылвер-влак

• Эрик Эрнст Петров.(руш)
• Эрик Петров.(руш)
• Петров Эрнст Алексеевич.(руш)
• Эрик–Эрнст Петров | ВКонтакте – VK.com.(руш)