Кышкар:Тидым палаш оҥай/20 Теле 2009
А тый палет кӧм марий пӱртӱсын мурызыжлан шотлат?
Александр Степанович Ятмановым (Мичурин-Азмекейым) марий пӱртӱсын уста мурызыжлан шотлат. Тудо пӱртӱсын моторлыкшо, сылнылыкше нерген ятыр книгам возен. Нунын кокла гыч «Чодырасе сӱан», «Тул воктене», «Пӱртӱс мурызо» да молат улыт. Шочмо кундемым йӧратымаш серызын (писательын) возымо кумылжым эре вияҥден шоген. Тидыже кугу сар лоҥгаште лиймыже годымат рашын койын. Лач тиде жапыште прозаикын чоныштыжо пӱртӱсым чаманыме, аралыме кумыл утларак вияҥын. Кагазеш огыл, калык шӱмеш шке сылнымутшым Мичурин-Азмекей возен.