Кышкар:Кызытсе сай статья

Википедий — эрыкан энциклопедий гыч материал
Александр Александрович Евстифеев — Марий Эл Республикын Вуйлатышыже.

Александр Александрович Евстифеев (1958 ага 14, СССР, РСФСР, Челябинск вел, Бреды посёлко) — российыйсе кугыжаныш пашаеҥ, Россий Федерацийын сулло юристше (2001), Марий Эл Республикын Вуйлатышыжын пашажым жаплан шуктышо (2017 ий вӱдшор тылзын 6-шо кечыже гыч), Марий Эл Республикын Вуйлатышыже (2017 ий идым тылзын 21-ше кечыже гыч).

Илыш корно[вики-текстым тӧрлаташ]

Александр Александрович Евстифеев 1958 ий ага тылзын 14-ше кечынже Челябинск вел Бреды поселкышто шочын. Ачаже Совет Ушем Кугыжаныш банкыште инкассаторлан ыштен, аваже — медшӱжарлан. Школым пытарыме деч вара Челябинск велысе автомобильный корно управленийыште тыглай пашазылан тыршаш тӱҥалын.

1980 ийыште Свердловскысо юридический институтым (кызыт — Урал кугыжаныш юридический университет) пытарен, 1984 ийыште — аспирантурым, «Право авторства в сфере отношений изобретательского творчества» темылан диссертацийым арален. 1999 ийыште Урал кугыжаныш юридический академийыште «Становление российского патентного права» темылан диссертацийым арален. Юриспруденций шанче доктор. 2004 ийыште Россий Федераций Виктер пеленсе Финанс академийым отличий дене тунемын пытарен (квалификаций — экономист, «Финанс-влак да кредит» специализаций.

Саратовысо кугыжаныш юридический академийын международный частный право кафедрын профессоржо лийын.

2014 ий шорыкйол тылзын 30 кечынже Россий Федераций президентын кӱштыкшӧ почеш Александр Евстифеевым Моско областьысе Арбитражный судын председательжылан шогалтыме.

Пелашан, кок шочшыжо уло. Ватыже — Юлия, юридический институтым пытарен. Эргыже-влак Москваште илат. Кугуракше — Артём, Москосо юридический академийым тунемын пытарен, спецпрокурорын полышкалышыжлан ышта, изиракше — Александр, МГУ-со юрфакын студентше улеш. (умбакыже…)