Васильева, Надежда Альбертовна
| Надежда Альбертовна Васильева-Моисеева | |
|---|---|
| Надежда Эмыкан | |
| Шочмаш дене лӱм | Надежда Альбертовна Васильева |
| Шочын | 1986 ий 25 ӱярня (38 ий) |
| Шочмо вер | Марий АССР, У Роҥго кундем, Роҥго сола |
| Ача | Васильев, Альберт Александрович |
| Ава | Васильева Маргарита Фёдоровна |
Надежда Эмыкан (Надежда Васильева-Моисеева) (Надежда Альбертовна Васильева) (1986 ӱярня 25, Марий АССР, У Роҥго кундем, Роҥго сола) — марий серызе, почеламутчо.
Илыш корныжо
[тӧрлаташ | кодым тӧрлаташ]Надежда Эмыкан 1986 ийын ӱярня тылзын 25-ше кечынже Марий АССР Советский район Роҥго солаште ныл икшыван ешыште шочын. Самырык авторын ачаже – лӱмлӧ почеламутчо Альберт Александрович Васильев, аваже – Маргарита Фёдоровна, тӱвыра пӧртыштӧ арулыкым эскерыше.
Верысе школын 9 классшым тунем пытарымеке, Йошкар-Оласе Н.К. Крупская лӱмеш Марий кугыжаныш педагогике институт пеленысе республикысе педагог лицейыште кок ий тунемын. Варажым, кӱшыл шинчымашым налаш манын, Марий кугыжаныш университетыш тунемаш пурен. Тыште Надежда «Поэзий шепкаште» сылнымут кружокышко ушнен. Университетым тунемме жапыштак И.С.Палантай лӱмеш тӱвыра да сымыктыш колледжын «Мер да тӱвыра паша» пӧлкажым заочно тунем лектын.
Школышто тунеммыж годымак, 6 классыште, почеламутым возен. Тиде сылнымут саска 1998-ше ийыште, 3 апрельыште, «Район илыш» газетеш савыкталтын.
Марий кугыжаныш университетыште шинчымашым погымо жапыште, 2007-ше ийыште, «Ида шылтале мыйым» почеламут сборникым савыктен. Студент жапыштак «Сылнымут шыже» семинарлашке ушнен. 2014-ше ийыште Эстонийыште «Родо-тукым кыл» программе полшымо дене «Кастене лыве лиям» лӱман вес сборникше лектын. 2016-шо ийыште самырык авторын «Мый шошын ӱдыржӧ улам» лӱман черетан книгаже ош тӱням ужын.
Кызыт Надежда Эмыкан шке шочмо ялыштыже кевытым куча, кум икышывым ончен-кушта.
Тӱҥ произведенийже-влак
[тӧрлаташ | кодым тӧрлаташ]- Ида шылтале мыйым. – Йошкар-Ола, 2007. – 32 с.
- Почеламут-влак / Н. Васильева. – 2013. – 9–16 с.
- Лум пырче ош лывыла шинче копаш. // Марий Эл. – 2011. 17 ноя. 14 лашт.
Илышыже да творчествыже нерген литератур
[тӧрлаташ | кодым тӧрлаташ]- Байкова А. Поэзий тӱняшке йолгорно. // Марий Эл. – 2016. 22 окт. 16 c.
- Глушкова З. Моторем, колоем, чукаем… самырык автор-влакым сылнымутышт. – Йошкар-Ола, 2013. – 112 с.
- Григорьева Л. Олык Ипай премийлан темлалтыт. // Ямде лий. – 2016. – 22 окт. 6 c.
- Илибаева М. Мый шошын ӱдыржӧ улам. // Марий Эл. – 2016. – 22 окт. 16 лашт.
- Карпова А. Поэзий тӱняште йолгорно. // Кугарня. – 2016. 28 окт. 10 лашт.
- Камалетдинова Л. Шкенжын кевытыштыже тырша, почеламутым воза. // Марий Эл. – 2013. – 3 апр. 5 лашт.
- Любимов Н. Образ ветра в лирике Н.Эмыкан / Н. Любимов, Г. Бояринова. – «Студенческая наука и ХХl век». – 2017 – №1 [14] с. 154–156.
- Любимов Н. «Тема любви в лирике Н.Васильевой (Эмыкан)» / Н.И. Любимов, Г.Н. Бояринова. // Богатство финно-угорских народов: материалы IV Международного финно-угорского студенческого форума (г. Йошкар-Ола, 25–26 мая 2017 г. – С. 107–109)
- Любимов Н. «Коклан шортам мый уло йӱкын воштыл» / Н.Любимов, Г. Бояринова. // Ончыко. – 2017 – № 6 [648] с. 113–118.
- Любимов Н. Любовная лирика Надежды Эмыкан. / Н. Любимов, Г. Бояринова // Всероссийская 51-ая научная студенческая конференция по техническим, гуманитарным и естественным наукам, посвященная Году Матери и Отца в Чувашии и 50-летию Чувашского государственного университета имени И.Н.Ульянова – 2017.
- Любимов Н. Философская проблематика в лирике Надежды Эмыкан // Филология: научные исследования. 2020. №12.
- Любимов Н. Образ ветра в художественно-философской концепции Н. Эмыкан // Огарёв-Online. 2021. №3 (156).
- Саверова Г. Ача ден ӱдыр: поэт-влак. // Район илыш. – 2016. – 21 апр. с. 2.
- Светлакова Т. Мый шошын ӱдыржӧ улам // Кугарня. – 2016. – 1 апр. с. 4.
- Эмыкан Н. Кастене лыве лиям / Н. Эмыкан. – Тарту, 2014. – 64 с.
- Яковлева А. Йоча мыланна илаш вийым пуа. // Кугарня. – 2018. – 1 июн. с. 7.