9 Сорла

Википедий — эрыкан энциклопедий гыч материал
Сорла
Шч Кш Вр Из Кг Шм Рш
        1 2 3
4 5 6 7 8 9 10
11 12 13 14 15 16 17
18 19 20 21 22 23 24
25 26 27 28 29 30 31
             
2014 ий

9 Сорла — григориан кечышот почеш идалыкын 221-ше (кужемдыме ийлаште 222) кечыже. Идалык пытыме марте 144 кече кодеш.

Пайрем-влак[тӧрлаташ]

  • Российысе сарзе чап кече палемдалтеш. 1714-ше ийыште Гангут мыс воктене Пётр Первый кугыжан флотшын икымше сеҥымашыже лийын.
  • Тӱп калык-влакын пайремышт палемдалтеш.

Лӱмгече[тӧрлаташ]

Сорла тылзын индешымше кечынже Герман, Анфиса да Николай-влакын лӱмкечышт.

Мо лийын[тӧрлаташ]

Тыгак ончо: Категорий:9 Сорла Мо лийын

  • Нагасаки кече. 1945-ше ийыште американ авиаций Японийын олаже ӱмбак атомный бомбым шуэн.
  • 1705-ше ийыште Астрахань олаште иканаште шӱдӧ утла сӱан лийын. Манеш-манеш почеш, Пётр I кугыжа астрахан ӱдыр-влакым тиде кече деч вара немыч-влаклан гына марлан пуаш кӱштыкым луктын, сандене ӱдыр-каче-влак содор марлан каяш але ӱдырым налаш шоненыт.
  • 1945-ше ийыште Маньчжур операций тӱҥалын: совет войска-влак Китайым япон-влак деч утарыме наступленийыш тарваненыт.

Кӧ шочын[тӧрлаташ]

Тыгак ончо: Категорий:9 Сорла Кӧ шочын

  • 1943 — Вера Николаевна Цибулькина шанче-медик, медик шанче доктор. Профессор. Провой кундем Красногорский посёлкышто шочын. [[Озаҥ]ысе мединститутышто кӱшыл шинчымашым налмек, Красногорскийысе эмлыме верыште пашам ыштен, но икмыняр жап гыч Озаҥысе медуниверситетышке вончен. Аллергий черым эмлымаште кугу специалистлан шотлалтеш. 160 наре шанче пашан авторжо.
  • 1947 — Виктор Николаевич Таланцев, спортсмен. Медведево кундем Кугенер ялыште шочын. 40 ияш годымжо тудо кира нӧлтымӧ спорт деке шӱмаҥын: Россий кӱкшытыштӧ 30 гана рекордым шынден. «Диво» да Гиннесс рекорд книгашкат ик гана веле огыл логалын.
  • 1954 — Геннадий Досифеевич Поствайкин, кугыжаныш пашаеҥ. Шочын-кушкын Курыкмарий кундемыште. Паша корныжо «Восход» ушем дене кылдалтын. Марий республик кӱшыл погынын депутатше лийын.
  • 1959 — Софья Петровна Чеснокова, шанче-филолог. Кӱшыл шинчымашым литератур институтышто, Тарту оласе университетыште поген. Ятыр ий Марий кугыжаныш университетыште пашам ыштен: марий сылнымут кафедрын доцентше лийын. Тӱҥ шотышто Соня Петровна финно-угор калыкын сылнымутшым шымла. Тачысе кече марте 20 утла шанче пашам возен, кудышт коклаште «Марий поэма» диссертацийжымат палемдыде огеш лий. Урал йылме дене философий доктор. Кызыт Финляндийыште ила.

Кӧ колен[тӧрлаташ]

Тыгак ончо: Категорий:9 Сорла Кӧ колен

Калык пале[тӧрлаташ]

Пантелеймонын кечыже. Тиде кечын ковышта вуйжым чумыраш тӱҥалеш, манын шоненыт. Кӧн кодын гын, ӱмашсе ковышта дене тӱрлӧ кочкышым ямдыленыт, поснак йоча-влакым пукшаш тыршеныт. У ковыштам тӱкалаш тоштын огытыл.